游學修從失誤吸取教訓 籲學生借鏡勿重複犯錯

更新時間 (HKT): 2021.03.20 17:59

游學修和梁榮忠等人在油麻地出席微電影比賽頒獎禮,游學修的YouTube頻道最近因為借場地被店主投訴惹是非,他即時已作出澄清,並立即交場租:「我懷疑搬入呢個地方前冇拜四角,入伙3個月都有啲小紛爭。事後已立即聯絡對方,已畀埋場租,其實同事都知有啲嘢要遮,但呢啲小甩漏,真係經驗不足,以後會吸取經驗。」

對於他出錯後立即道歉,被網民讚反應比高官快,游學修說:「做錯咗仲讚?真係錯咗,唔畀場租確實係有違正確做法。」今次活動他作為嘉賓,表示是最佳例子,學生們要明白要預備製片等多個部門把關。

梁榮忠要向年輕人偷師

游學修大讚今次參與比賽的學生好勁,而且拍攝風氣在年輕一代盛行,而梁榮忠也覺得年輕人在拍攝創作上已很成熟,反而自己要偷師。對於有人認為香港電影已死,反而網上短片有發展空間,梁榮忠覺得兩個界別不能相提並論:「製作同模仿等方面都唔可以用來比較,電影製作一定規模會大啲,畫面上嘅享受會大啲,唔可能要求微電影都有爆破。唔好只係睇香港巿場,全世界電影都遇到問題,唔可以話個媒體已死,只係要轉型,呢個係必定嘅事。」他指出以往有盜版碟的年代,也有人批過香港電影已死。

另外,梁榮忠現時仍有主持港台節目,有指新廣播處長要審批,他表示暫未遇到這情況:「呢個係好敏感嘅課題,但暫時我嘅節目冇發生過。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner