獨家丨陳凱琳龍鳳胎弟弟疫情下低調結婚 鄭嘉穎融入外家跟親友混熟

更新時間 (HKT): 2021.03.21 21:58

29歲陳凱琳(Grace)的龍鳳胎細佬Derek今日秘密註冊結婚,《蘋果》獨家直擊過程,下午約3時,一對新人現身紅棉道婚姻登記處,他們先與在場親友打招呼,然後除下外科口罩,由太太為他換上透明口罩,相當貼心。

7分鐘後,陳爸爸和陳媽媽終於現身,約3時15分,鄭嘉穎拖着老婆Grace抵達,不過未見兩名幼子,當嘉穎臨入去前先穿回西裝外套,由於Grace和嘉穎的出現,即時引起其他準備註冊的新人注目。《蘋果》記者上前祝賀陳爸爸榮升「老爺」時,他非常高興地說:「多謝,多謝!」

提到今早一對新人向長輩敬茶時,陳爸爸表示祝他們婚姻幸福、美滿、夫妻和睦,亦有送金器給兒媳。問會否叮囑Derek快點生小朋友?陳爸爸笑說:「呢啲隨緣,我唔會畀壓力佢哋,多謝你哋!」完成註冊儀式後,他們到隔隣的奧林匹克廣場除罩影大合照,其中一張是Grace與家姐及Derek三家人,而嘉穎非常融入外家,與Grace的親友不停聊天,合照過後,他們就戴回口罩離開。

Grace榮升做大姑奶,問她有甚麼夫妻之道跟Derek和弟婦分享?她開心表示:「冇呀!佢哋兩個都已經好穩定,佢哋都好開心,喺呢個環境底下都可以結婚,戥佢哋好開心,細佬都拍咗拖一段時間,所以我哋都知道佢哋兩個都好好。」送了甚麼結婚禮物?她笑言送利是最實際。問到在Derek簽紙註冊時,有否感動到落淚?Grace坦言:「都好感動㗎!我仲有個家姐,我同家姐都結咗婚,而家連細佬都結埋婚,應該爹哋媽咪安樂晒。」會否催Derek快點生小朋友?她笑說:「佢哋覺得right timing先。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner