阮民安撐黃店用台灣菠蘿炮製特飲 晴天林慨嘆二次創作有壓力

更新時間 (HKT): 2021.03.21 19:43
阮民安與晴天林做一日店長,劉公子撐場。

為撐黃色經濟圈,阮民安(Tommy)和二創音樂人晴天林,今日在尖沙嘴餐廳Aurora Fusion Restaurant做店長招呼食客,Tommy變身調酒師,用台灣鳳梨特製「民安水」;戴上黃色口罩的晴天林就化身壽司師傅整「晴天卷」,兩人都整得有板有眼。「劉公子」劉定成亦有特別到場支持。

Tommy表示今日可撐黃店,又可撐台灣果農,而自己不收分文。對於譚小環參演港台短劇《環顧日常》的其中一集被抽起,Tommy說:「我有留意,我自己都啱啱經歷咗一個事情,本身4月1日我要去一間中學表演,日前我同事突然間收到訊息,學校要即時停止同我呢個活動嘅合作,呢份memo係關於國安嘅memo,我覺得呢啲打壓越嚟越誇張。」他指已計劃年中或年底開騷。晴天林表示平時只煮公仔麵或者撐黃店醫肚,對於首次整壽司,他笑言算合格。問他有沒有酬勞?他說:「今日我做店長係冇底薪,但越多人叫晴天卷,我就有酬勞,所以我要留到今晚。」

提到二次創作歌曲,晴天林坦言感到很大壓力:「47個民主派被拉,我嘅壓力係更加大,因為我唔知道個界線係點,可能我唱一啲關於快啲放嗰47人,咁都可能係顛覆國家,又或者話你引起社會仇恨,所以要多啲時間去修飾,之前有首歌係鬧律政司,但我而家仲修飾緊,你知我哋嘅律政司幾惡㗎啦!」晴天林直言擔心以前的二創歌曲被翻舊賬:「怕㗎!《國安法》有機會係可以翻舊賬,係怕,但我又冇諗過下架,所以而家嘅創作要避重就輕。」

此外,劉公子透露晴天林會為他寫歌,用薰妮的歌《故鄉的雨》重新填詞,內容圍繞劉公子在這19個月,所走過的民主路,問他可會開金口?劉公子笑說:「梗係唔會啦,我冇咁嘅天份。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner