童星劉皓嵐13歲生日 組隊參加中學微電影創作獲高中組金獎

更新時間 (HKT): 2021.03.21 16:56

有份拍電影《狂舞派3》的小演員劉皓嵐(劉小華),今日13歲生日,他在社交網貼了昨日與父母穿上親子貓貓T恤切蛋糕過生日的相片,相中皓嵐開心笑到見牙不見眼。原來他昨日除了慶祝生日外,早前他與3位志同道合的中學朋友參加了「第7屆全港中學微電影創作大賽」,昨日公佈其作品《抗疫模式》獲高中組金獎,是他今年最鼓舞的生日禮物。

今日《蘋果》致電劉皓嵐的媽媽劉太,問到皓嵐今日正日生日如何慶祝?她說︰「佢而家大個仔啦,今日同朋友出街,我就同老公拍吓拖。其實噚日都同佢慶祝咗,佢同朋友參加微電影比賽攞到獎,噚日佢哋一齊睇網上公佈結果,知道獲獎好開心。」

13歲的劉皓嵐去年9月才升中一,問到為何參加高中組?劉太謂︰「佢另外3位朋友係高中生,今次佢哋4個學生自組參賽,唔係代表學校參加。」原來今次參賽是劉太鼓勵,她說︰「我建議佢哋去參加,仲幫佢哋打電話問清楚點樣可以參賽,而且皓嵐見到係游學修做比賽宣傳大使,所以佢哋好想參加。」談到今次參賽有否給予意見?劉太說︰「出口就有,出手就冇。其實我老公都係做呢方面工作,教佢哋點用啲攝影器材,教啲基礎嘢,佢哋後生仔學得好快。」

劉皓嵐今次與3位中學生朋友何煒華、戴凱亮、李偉雄,製作了一條5分鐘內的微電影《抗疫模式》,故事圍繞抗疫下學生們想去球場打波卻封了場,在家上課變成日常。而皓嵐負責演出、主唱歌曲及改詞的部份工作,而拍攝及剪接方面則由隊友負責。今次在比賽中,他們的微電影除了獲得高中組金獎,同時獲得最佳導演和最佳剪接,共3個獎,可謂後生可畏。片中不乏《狂舞派3》取景的觀塘,如後巷壁畫場景,而皓嵐聯同2位隊友,在片中唱出改詞的rap歌,歌詞十分抵死生動。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner