阮民安因國安法被取消演出

更新時間 (HKT): 2021.03.22 02:00
■阮民安(中)和晴天林(右)昨日為黃店當一日店長,獲劉公子到場支持。

阮民安和二創音樂人晴天林昨日在尖沙嘴一間黃店餐廳做店長招呼食客,阮民安變身調酒師,用台灣鳳梨特製的「民安水」,而晴天林就化身做壽司師傅整「晴天卷」,「劉公子」劉定成亦有特別到場支持。對於譚小環參演港台短劇《環顧日常》的其中一集被抽起,阮民安說:「我自己都啱啱經歷咗一個事情,本身4月頭要去一間中學表演,日前突然收到訊息,學校要即時停止同我合作,呢份memo係關於國安嘅memo,我覺得打壓越嚟越誇張。」

提到二次創作歌曲,晴天林坦言很大壓力:「我唔知道個界線係點,可能我唱一啲關於快啲放47個民主派,都可能係顛覆國家,又或者話你引起社會仇恨,所以要多啲時間去修飾,之前有首歌係鬧律政司,但我𠵱家仲修飾緊,你知我哋嘅律政司幾惡㗎啦!」晴天林直言擔心以前的二創歌曲被翻舊賬:「《國安法》有機會係可以翻舊賬,係怕,但我又冇諗過下架,所以𠵱家嘅創作要避重就輕。」劉公子則透露晴天林會為他寫歌,用薰妮的歌《故鄉的雨》重新填詞,內容圍繞劉公子於這19個月所走過的民主路,問他可會開金口?劉公子笑說:「梗係唔會啦,我冇咁嘅天份。」

娛聞樂陪你走遍全球追星,即Like「娛果」FB 專頁!
BannerBanner