岑麗香宣佈再索一子 呻陀B兼顧湊大仔辛苦

更新時間 (HKT): 2021.03.22 19:12

岑麗香上月初在社交平台宣佈再度陀B「小腰果」,現時懷孕7個半月的她今日去到葵涌拍攝補品廣告,她透露今胎再陀仔,預產期為5月,香香笑言可以讓小腰果穿着哥哥Jacob的舊衫,順道慳錢。香香笑言:「原本自己都有諗湊成一個好字,而家希望佢哋有女朋友之前,我係佢哋最錫嘅女人。」香香又指,等2個仔有女朋友之前,要盡享兒子們給自己的愛,之後再輪到老公錫。

香香坦言,陀第2胎比頭一胎辛苦,因為要兼顧大仔Jacob,她說:「陀今胎比第一胎辛苦,因為要湊一個陀一個,第一胎可以攰嘅時候休息,Jacob成日想玩。我會盡力,唔想忽略佢,雖然有第二個,都想佢有被錫感覺,朋友話佢點都會有呷醋感覺。」

香香預計今胎也會順產,她指因為自己怕開刀,而老公強強就要視乎醫院條例,再決定能否入產房,她說:「有人支持我都會開心啲,第一胎老公都有入產房拍片,但係冇剪臍帶,佢可以陪我已經好開心。」日前被發現飲凍飲的香香表示,有努力戒口,戒吃海鮮、生冷食物,她說:「只係突然想飲,畀自己間中輕鬆吓,朋友都經常提醒我。」

賴生仔影響記憶力

香香笑言最近記憶力確實有點衰退,之前將手錶反轉戴被網民發現便是一例子,她說:「個腦唔記得嘢,一孕儍3年,我暫時要儍6年先,記性好差,請大家體諒。」至於產後會否停工,香香表示,自己鍾意工作、湊仔,兩樣都是福氣,工作看情況而定,她指今天拍廣告開心不太辛苦。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner