金燕玲醫治乳癌不用化療:我要做20次電療同食藥

更新時間 (HKT): 2021.03.23 19:22

金燕玲早前在開設YouTube頻道上,拍片自爆在農曆新年前發現患乳癌,將要接受電療治療,但她慶幸及早發現,只屬初期。今日金燕玲拍片更新目前的情況,她語帶興奮地表示與醫生見面後,確定自己不用做化療:「我要做20次電療同食藥控制病情。」

金燕玲在兩年前曾患上子宮癌,當時她要接受手術再化療和電療,在第一次化療時已經開始掉頭髮,金燕玲在片中分享了一個經歷,事緣看醫生當日,她遇到了一個病人,當時對方戴上了頭巾,後來在閒談間,介紹一個專為癌症病人使用頭巾的網站:「當你冇咗頭髮,出街嘅時候會覺得好凍,所以需要戴帽。」她還展示古巨基太太Lorraine送給她的冷帽並大讚:「呢頂係Lorraine喺日本買返嚟嘅冷帽,好舒服。」

她又表示之前試過綁頭巾,但因為五顏六色難襯衫兼且較難綁:「我唔似外國人咁深輪廓,又要諗埋自己妝容,對我嚟講就唔係太啱,所以所有要化療嘅病友,真係要準備舒適嘅頭巾,我希望香港有人專門做呢啲畀癌症病人使用嘅頭巾,頭巾呢件事係值得投資,亦應該有人要做。」

至於飲食方面,金燕玲說:「我知道今次係由於荷爾蒙嘅問題所引致嘅,所以飲食要注意同好小心,好似食雞一定要食無激素雞,燕窩一定唔食得,花膠都唔可以食得多,簡單嚟講任何美容食物都唔適合食太多。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner