楊明判無罪王宗堯嘆已成新常態 阮民安︰律政司今次點解唔上訴

更新時間 (HKT): 2021.03.24 18:01
Tommy仔同王宗堯對判決存疑。

撐警無綫藝人、現年39歲的楊明(原名林明樂),去年8月深夜在山頂撞車因送院拒絕提供血液樣本作酒精測試一案,今日獲法庭判無罪。辯方理由是警長在大律師不在場的情況下,問被告是否願意抽血,做法不公平,獲裁判官鄧少雄接納。至於早前被告承認的其餘兩罪,不小心駕駛罪及車輛附有透光度不足膠貼。原本楊明要還柙到下月14日判刑,但代表律師清洪申請推翻認罪,獲法庭接納,安排5月11和12日再審,楊明可即時離開。

阮民安獲知判決後,以短訊回應《蘋果》話︰「為咗呢種慣犯X頭,法庭再一次表演司法不公。總之撐警,就車斷人哋對腳、醉駕都無事,明明周街斬人,都可以話係去買燉蛋,最後又係會無事。律政司咁鐘意上訴,今次點解唔上訴嘅?最後講多個笑話『香港仲有法治』。」及後阮民安知道楊明推翻認罪,玩法律程序避過還柙時,他補充謂︰「除咗DXLM,仲有乜可以講呢……」。王宗堯回應話︰「哈哈哈哈哈哈哈哈。哦,無意見,因為已經覺得係一種香港新常態,與其關心佢不如關心吓47or蔡玉玲。」

楊明的判決引來不少人表態,渣哥在IG話:「佢,一直撐警!佢,只有兩次案底!佢……如無意外應該可能或者有機會係一個好人……除非唔係!#忠告市民飲咗燉嘢就貌X揸車」,時事評論員潘小濤在FB留言話「燉湯明之勝,香港司法制度之敗!」、YouTuber大J自言「不意外」。連登有網民亦有開帖,留言差不多一面倒質疑裁決,「點敢判藍屍有罪呀」、「今日笑話:香港法治」、「我哋成日都唔畀見律師啦」、「繼續啦,根本逼香港人走,討厭政治中立X都睇到心寒兼心淡」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner