夫妻一致槍口對外丨田蕊妮FB撐老公晒高EQ 預祝鍾培生「唔會輸」

更新時間 (HKT): 2021.03.24 23:48
(IG圖片)

未正式開打已經口舌戰不斷的「林鍾一戰」,今日講到杜汶澤喺社交平台分享門票最高索價3萬元的新聞,並暗示用3萬蚊去睇小丑打交不值。隨後鍾培生回應自己是「慈善企業家打小丑」。想不到到晚上,阿澤與老婆都差不多時間在facebook先後出post,阿澤自言學空手道並非用作打拳賽,而阿田則力撐老公,並就鍾培生踩阿澤主理的OTT平台《喱騷》的批評,禮貌回應,更預祝「林鍾一戰」「大賣唔會輸」。

眾所周知,阿澤識空手道,可能因此令網民叫阿澤與鍾培生打一場,但阿澤指自己學空手道並非用作打拳賽,氣上心頭的他斷言拒絕:「我係爛仔嚟,所以唔識打拳賽,淨係識打交㗎咋!」

指鍾培生報細數

至於阿田,就在自己的FB中以「自稱慈善企業家」來形容鍾培生,她的帖文中雖然有粗口字眼,但顯得高EQ,就鍾培生列舉出一系列數據來批評阿澤的平台並作出分析,並稱要給予阿澤意見及要處理的問題,阿田表示感激對方的寶貴意見,但她強調:「確實搞呢個app我哋遇到好多困難,成本亦相當之高,但係從中亦學識咗好多新嘅知識,幸好最後俾我哋遇到一班優秀嘅I.T.團隊,我哋亦不斷地作出改進,務求令到個app可以更加完善。我哋背後並無一個好勁嘅投資者,但係我哋有一班香港人,一班好x愛香港嘅香港人!至於登記人數方面恐怕要令到鍾先生你失望!你冇畀多咗我哋,你係畀少咗我哋!」阿田更指《喱騷》是重質不重量。

對於鍾培生話怕阿澤會輸死,阿田樂於接受:「可能佢係戇x啦,但係佢呢一種勇氣同行動唔係人人都有,而我最近聽到自從我哋搞咗呢個app之後有其他人都想搞喎!」而阿田在文末更預祝「林鍾一戰」的門賣可以大賣、唔會輸。

阿澤寸鍾培生搏出位

另一方面,阿澤也有回應鍾培生講《喱騷》,但他顯得勞氣得多:「我檔嘢好唔好生意使x話你知呀?我係On x,鍾意開個台拍嘢畀香港人睇,你吹x得我脹呀?」嬲爆的阿澤更暗示鍾培生想乘機搏出位。而阿澤也有到老婆阿田的post下留言:「吖,你都幾好心機㗎喎,寫咁多字。」再加了幾個笑到喊的emoji。而鍾培生在阿澤留言後6分鐘,火速在自己的facebook轉貼對方的貼文,並以粗口「回敬」寫上:「𢯎撈嘅話唔該排隊,未得閒x你,等我無乜新聞量又要宣傳嘅時候再比你抽下水,你有啲知名度,放心,我會陪你玩吓!同埋有時間香港人前香港人後, 要威要做老闆首先學識準時出糧先。」

其實阿田以往訪問過鍾培生,與對方初次體驗speed dating,不過阿田對鍾培生的印象似乎麻麻。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner