岑珈其肉搏場面要等老婆審批 Cosplay女疑洩春光搶Fo

更新時間 (HKT): 2021.03.24 22:34

本地樂隊ToNick主音趙善恆、岑珈其有份主演電影《#PTFG出租女友》今晚在中環一夜場拍攝,現場有20多位cosplay演員,化身遊戲、卡通角色,其中蘇凱琳(Erena)扮演遊戲「餓狼傳說」的角色「不知火舞」,谷胸露籮兼騷長腿,而有34D身材的葉俙賢(Amber)扮演巨胸蜘蛛女,貼身裝束令體態線條盡現。

岑珈其和恆仔在戲中和一眾cosplay女合作,艷福無邊,兩兄弟攞正牌𥄫女。岑珈其笑說:「會睇住恆仔成長。」今次開工早已向太太申報,還說:「我角色喺側邊睇住恆仔,如果做恆仔嘅角色就真係唔得。」剛榮升爸爸不久的岑珈其,坦言開工時非常掛住囝囝:「幾個月大,而家好得意,疫情下開完工返屋企會全身消毒,沖完涼先抱BB。」

恆仔否認與cosplay女有埋身肉搏激烈場面,他解釋:「場戲係講我哋一齊去party,今次係戲中最大場面,最激烈就係同岑珈其鬧交。」岑珈其踢爆恆仔會鍾意一個女仔,大家或會有剝衫場面,岑珈其還說:「如果有身體接觸嘅戲真係要問吓老婆先,批准先至會拍。」恆仔亦指有經女友小花批准。此外,二人相識多年,恆仔近來向幕後進發,他們有意合作,更想反串挑戰女性角色。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner