林曉峰怕被無綫綁住

更新時間 (HKT): 2021.03.24 02:00
■17歲的林寶做model拍照,阿Lo鼓勵他參加《造星》。資料圖片

林曉峰(阿Lo)去年和康子妮結束18年婚姻,各自展開新生活,他已將過往感情放低,生活最緊要開心:「我同佢有共同諗法,𠵱家開心咪得,做自己開心嘢,唔傷害到人又有好回報,生活應該咁樣過,而唔係人哋設定規格畀你讀書、結婚、生仔、傳宗接代,最確切係生活開心健康,現時生活開心美滿,工作多咗不同範疇。」阿Lo和ViuTV仍有合約在身,故沒有多想返娘家合作:「暫時唔諗住,享受自由身,未來趨勢都要自由,睇到現時個大趨勢各大公司要推行共享,而唔係綑綁式,咁樣唔會生存到落去。」

18歲長子林寶被母親上載model照,網民激讚有型,蜂擁支持入行,更大力推舉林寶參加《全民造星》,阿Lo說:「呢樣唔係一個工作,呢個時勢出得嚟就要快啲去搵錢,冇工作好難喺圈中生存。可能我喺節目中批評過好多參賽者,𠵱家叫阿仔去參加,等佢哋可以話吓佢,報應呀!」

娛聞樂陪你走遍全球追星,即Like「娛果」FB 專頁!
BannerBanner