音樂人伍仲衡本周開騷前全員檢測 黃翊海俊傑任嘉賓獲私家咪

更新時間 (HKT): 2021.03.25 12:00

伍仲衡將於本周六、日在旺角麥花臣場館開騷,昨晚羅敏莊、黃翊、海俊傑在土瓜環一studio綵排練歌。今次是第4波疫情後,場館首個音樂會。為顧及衛生安全,大會特意製作了防疫包送給觀眾,亦跟足規定指引,包括場館消毒,所有表演者需接受檢測,每人一支私家咪及謝絕其他人進入後台等措施。

面對開騷伍仲衡興奮多於緊張,他笑言:「我成長係80年代,會帶畀觀眾集體回憶、減壓同正能量。」羅敏莊則爆伍仲衡這位音樂才子不用記譜,笑言︰「冇譜,離晒大譜」,又笑他染了一頭新髮型,變成偶像派歌手。羅敏莊重返無綫,主持親子及女性節目,她說:「係呀,我無啦啦返咗無綫,舊年10月已經同ViuTV約滿,而家簽咗約唔可以四圍走。」

黃翊及海俊傑合作跳唱串燒歌,會帶動台下觀眾興奮起舞,二人覺得疫情下實體演唱會甚少,今次可以上台演出十分開心。黃翊自知跳舞是弱項,要靠海俊傑,他們對80年代歌曲琅琅上口,不用刻意背歌詞,海俊傑笑說:「到時有電視睇,但應該睇唔切,到時錯咗都由佢啦。」最重要是現場氣氛。二人對大會防疫安排十分滿意,亦已進行檢測,等候演出。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner