鍾培生被港男讓單手單腳加100萬零1蚊挑機打拳 大隻Flow牙擦4月隨時打

更新時間 (HKT): 2021.03.25 20:25

林作和富三代鍾培生的「林鍾一戰」拳賽落實於9月18日在九龍灣Star Hall舉行,有指當日預計可安排1,800名觀眾入場觀戰,而票價由1,200元至3萬元。杜汶澤揶揄他們是「小丑打交」。2019年曾貼出WhatsApp群組截圖爆料楊明斥示威者「癲X咗」的港男梁裕恆(Flow),今日竟加入「林鍾一戰」話題,公然在facebook貼文向鍾培生挑機下戰書,他說:「鍾生等錢使,無問題。認真嘅,100萬零1蚊打贏我攞去。4月隨時打可以,唔戴頭套,問題係你敢唔敢,敢嘅傾埋啲細節,我隨時奉陪!留名等睇你走數!條友堅唔係扮儍。」網民都質疑Flow此舉有抽水之嫌。

網民等剝花生,Flow指這一挑機是「平民對權貴」,擁有46吋胸肌的他似乎有信心必勝:「只係我幫人教吓仔,等佢唔好以為有少少錢喺香港就惡晒,喺香港有財有品嘅人比比皆是,對我嚟講佢就好似一個未出世嘅小朋友,唔講咁多,總之讓你單手單腳。」Flow懶理被指抽水,他今回覆《蘋果》時強調一定有錢找數:「今時今日嘅香港情況唔好講錢,大家生活已經好慘,因為佢講100萬,我就講100萬零1蚊,總之佢肯打,我一定可以喺我朋友圈度籌到錢,總之我按晒所有嘢都會攞出100萬,再唔係我當場切腹。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner