葉劉認「50萬Hermès」係A貨 網民促表忠︰冒牌貨更加要燒

更新時間 (HKT): 2021.03.25 18:35
網民促葉劉燒冒牌貨表忠。(資料圖片/網上圖片)

今年是辛丑條約簽定120周年,當年有八國聯軍,今日有天下圍中,美國、歐盟、英國與加拿大聯手就新疆人權問題制裁中國。瑞典服裝品牌H&M及美國運動用品Nike,自去年底先後發表不採用新疆棉花的聲明,內地隨即作出反制,有大陸藝人割席,拍片呼籲全民抵制西方品牌,更有大陸人燒Nike波鞋表明心迹。時事評論員潘小濤今日在Facebook開帖話「中國愛國人士燒Nike鞋了,難怪有人急急話自己個50萬名牌手袋係A貨,容乜易被迫公開燒咗佢㗎!」雖然沒有指名道姓,但矛頭似乎指向早前孭住「疑似」Hermès,接種武肺疫苗的新民黨主席葉劉淑儀。

日前葉劉同一班忠誠的立法會議員接種第二劑國產疫苗,她由口罩到上身衫都是紫色,加上放在地上疑似價值50萬的紫色Hermès Birkin袋,就更加搶鏡。不過事後她解釋只是「袋有相似」,所以為免誤會以後都不會用。但引來潘小濤開帖恥笑,更話「其他人啲金撈、皮帶、銀包……,都會話係冒牌貨」,2小時就有接近400留言及130多次分享。不少網民都認為葉劉應該燒袋表忠,而他們的理由都似乎相當充份,話「A貨仲更加要燒,我們強國人那可會做美帝思想的奴隸」、「其實做大陸人都好忙,一早到晚都要仇恨好多唔同國家嘅人同埋物品」、「A貨咪又係崇洋,燒得」、「幾時燒車,好期待」。有人就取笑潘小濤話他「畫公仔畫到爆晒腸」,亦有人問香港的護旗手們為何不跟隨大陸做法。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner