唐奕聰安息禮丨 鄭中基透露演唱會有致敬環節 麥家瑜哽咽伯樂提攜

更新時間 (HKT): 2021.03.26 17:45

太極樂隊成員唐奕聰(Gary)月初被發現於家中昏迷不醒,最終不幸離世,終年57歲。Gary太太謝玉霞今日下午2時半,於灣仔循道衛理聯合教會國際禮拜堂,為亡夫舉行安息禮拜。除了太極樂隊成員和Gary的親人外,曾合作的藝人和歌手,今日亦陸續抵達禮拜堂送別好友。藝人麥家瑜(Keeva)一直視Gary為音樂路上的伯樂,今日她出席Gary的安息禮拜儀式,在接受訪問時,坦言連日勾起不少回憶,Keeva說到傷心處語帶哽咽:「多謝Gary哥哥帶我返嚟香港,教識我乜嘢叫音樂,知道佢唔再喺身邊,但我會繼續努力做好音樂。」問到之前是否和Gary一起做歌,Keeva坦言遺憾作品仍未完成,但慶幸一班太極哥哥答應在大家心情平復後,會幫手一齊完成未完成的樂章。

今日前來送別好友Gary的鄭中基(Ronald),早前因環球唱片在facebook專頁出post,附上選購太極專輯的連結,結果Ronald在盛怒下,怒轟環球冇人性,事後環球刪除帖文及道歉以平息眾怒。Ronald今日接受訪問時,透露自己和Gary識於微時,更指自己過往每個演唱會,Gary都有份幫手。原本即將舉行的露天騷,亦有預Gary埋班。Ronald說:「我同Gary識咗好耐,自己好耐冇出歌冇做碟,之前的起心肝寫咗首《廢中》,Gary都有幫手搞,嗰時喺佢studio一齊寫歌一齊做歌,佢負責編歌同錄歌,我唱歌都喺嗰度錄埋。我自己好懶,每次Gary都做凸,原本今次演唱會同Joey開會,商量要用乜嘢樂器,應承每位樂手有一part solo部份,但決定呢個環節之後就收到呢個惡耗,我會留個位置畀佢,亦會有一個環節向佢致敬。」

----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner