蔡卓妍籌備Twins廿周年演唱會 趕明年5月前舉行

更新時間 (HKT): 2021.03.26 18:49

廿年前,成日聽到人問「阿Sa靚啲定阿嬌靚啲」,靚唔靚呢啲就好主觀,今年係Twins出道二十周年,但係受疫情影響之下,能開周年演唱會機會好微,今日蔡卓妍(阿Sa)現身尖沙嘴杯麵紀念館開幕。

阿Sa最近忙於同劉德華、梁朝偉拍攝新戲《金手指》,她笑言:「同華仔嘅部份已經拍完,而家同偉仔拍緊有感情戲。」對於有否被偉仔電暈,阿Sa笑笑口:「我係去拍戲,唔係去識男仔,不過鏡頭以外都有嘅。」她預計4月完成拍攝,之後阿Sa就上大陸搵鍾欣潼(阿嬌)。

阿Sa指今年5月18日是Twins出道20周年,當日會推出紀念歌,她說:「本來今年搞20周年紀念演唱會,但爭唔到期,要延至明年5月前,5月前都仲算係20周年。」容祖兒日前在喉嚨插針針炙,阿Sa代祖兒解釋稱她並非失聲,只是用聲過度要針灸保養。

對於會否勸祖兒少說話養聲,阿Sa大笑:「對佢嚟講好難!佢係同我講電話最長時間嘅朋友,每次都講個幾鐘頭,乜都講!伯母都話我哋成日見面都可以講咁耐電話,雞啄唔斷!」此外,對於新疆棉事件,華人圈眾多藝人前仆後繼與外國品牌割席,問到阿Sa有關此事,其英皇同事急忙擋駕表示冇應,阿Sa亦說:「我冇回應!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁