嚇壞姜B丨姜濤正面接受被擺上枱惡搞 口窒窒代Fans致歉

更新時間 (HKT): 2021.03.27 17:02

人氣男團MIRROR早前宣佈將於5月6至8日假九展Star Hall舉行「MIRROR “One & All Live” 2021」演唱會,日前門票開售,不足一小時即火速售罄,今天MIRROR齊人出席記者會,宣佈加開9及10日兩場次。

提到無綫日前在節目記招中找來藝人鄧智堅扮姜濤,當時主持人林盛斌(Bob)、麥美恩與馮盈盈大叫走開,被網民洗版狂轟,姜濤說:「我知道,我覺得藝人都係想令大家開心,希望大家可以輕鬆啲咁去睇每一件事。」有人覺得一班TVB藝人不尊重人,姜濤說:「又唔會,我覺得冇任何唔尊重,我都好開心有人認識我然後咁去做,大家開心啫!」在旁的Lokman更爆姜B也很喜歡模仿別人,尤其是四大天王:「相信Eric(鄧智堅)嘅出發點係for fun。」

至於Bob今天也因此事道歉,姜濤即嚇得口窒窒:「唔使、唔使、唔使……我我我……唔使嘅,我都冇任何意思,我都好開心,因為代表住大家認識你先做呢個行為。可能有部份fans係比較激動,我代我啲fans講返聲對唔住。」

Lokman嘲:人怕出名

其他隊員更齊聲起哄,指沒有人扮他們,隊長楊樂文(Lokman)更笑言:「我哋希望多元化啲囉,只係扮一個!而家唔係佢唔開心,係我哋11個唔開心!咁叻仔嘛,叻仔就有人扮㗎啦!人怕出名,姜濤怕肥呀!」

另外,MIRROR經理人黃慧君(花姐)提到姜濤被惡搞,Bob急急道歉「滅火」,花姐說:「睇完條片覺得好好笑,大家笑得好開心,藝人用諷刺形式搞笑係平常事,fans太愛錫佢,覺得係中傷,唔使咁緊張。Bob唔使道歉,佢一向都好愛錫後輩,第時見到對方都要同佢講唔好意思。」

講到網民批評無綫以舊式手法自我宣傳,花姐則表示不評論他們的宣傳手法,她更大方說:「好開心Viu同TVB有互動,對市場係好好,我都好希望將來有合作機會,我係《勁歌》出身嘅,我同MIRROR都想有機會參與《勁歌》頒獎禮,就算坐喺台下做觀眾都很開心。」花姐更笑言會致電「老爺」曾志偉。

至於今日在差不多時間出席TVB《聲夢傳奇》活動的李克勤,被問到TVB似用他去「打」MIRROR,克勤表示自己完全不知情,開工只是看安排、睇緣份。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner