邵仲衡想打復必泰疫苗方便拍劇 預約Hold住靠個人衞生防疫

更新時間 (HKT): 2021.03.27 19:40

邵仲衡與張松枝今天於銅鑼灣出席娛樂公司開幕禮,他透露正忙於拍攝一部天馬行空科幻題材的連續劇,有東南亞地區的播放平台和香港電視台合作拍攝。邵仲衡在劇中飾演富豪成哥,劇組本身會在外地取景,但因疫情關係現時要再看情況,目前只能留在香港拍攝。問到ViuTV可有找他傾新工作?他笑說:「暫時冇呀,但大家關係好好,相信對方有啱嘅工作都會搵我。」

提到之後若要到外地工作,可能要先接種疫苗,邵仲衡鼓勵大家接種,他透露原本預約了打復必泰:「本來安排咗呢幾日,預約接種第一針復必泰嘅,但係啱啱停咗,好彩。因為拍劇接種咗疫苗就方便啲,唔使成日驗口水,暫未知幾時再有安排。」問他會否改接種科興疫苗?邵仲衡表示:「疫苗係應該打嘅,重科學精神、國內朋友同香港見到嘅,我個人認為復必泰較為信得過,S字頭嗰隻就未必敢嘞,而家大家惟有繼續做好個人防疫。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner