張國榮絕密婚照曝光 忠粉「張太」現身:唔使再嫁

更新時間 (HKT): 2021.03.27 14:58

本年4月1日是張國榮(哥哥)18周年忌辰,鄭丹瑞的網上平台健康旦,將於當日舉辦《想你張國榮》音樂會,日前邀請一班歌迷分享哥哥的珍貴回憶,當中竟然有1985年哥哥穿上禮服與一名女歌迷的婚紗合照。

自稱「張太」的忠實女哥迷分享與哥哥的婚紗合照,相中的張國榮穿上白色禮服,與新娘手挽手在禮堂門前合照,她說:「呢張相係我同Leslie(張國榮)嘅緣份,當時1985年張國榮推出一張大碟《為你鍾情》,無綫《勁歌金曲》有一個抽獎活動,寄信去有10個女仔可以同哥哥影婚紗相,我好榮幸係其中一個,就成為咗有相為證嘅『張太』,嗰陣時仲喺廣播道77號影。」女哥迷稱能與哥哥影婚紗相,如同已經出嫁,她說:「我已經嫁咗,唔使再嫁。」鄭丹瑞笑言當年他還未擔任《勁歌》主持,而時任的《勁歌》主持是蔡楓華,隨後才由阿旦接捧。

另一名哥迷分享哥哥京劇造型的照片,於1992年5哥迷組團到北京為正在拍攝《霸王別姬》的哥哥探班,該女哥迷說:「我哋去之前有同哥哥講我哋去探班,哥哥有招呼我哋,電影公司安排我哋當晚去片場睇拍攝,有喺酒店同哥哥食飯,當晚哥哥拍『貴妃醉酒』,佢助手用相機拍低造型,哥哥好驕傲話畀我哋聽,佢拍卧魚動作時,本來用替身,但最終自己做咗,佢好開心、驕傲,我哋要求哥哥曬相送畀我哋,哥哥喺我哋多番要求下只應承曬一張,最終翌日每人送兩張寫上歌迷名字嘅造型照畀我哋。哥哥對我哋好好,叫助手買可樂畀我哋飲,又叫我哋喺街唔好亂食嘢,又叫我哋頭暈身㷫記得揾佢,佢帶咗好多備用藥。」

1987年哥迷聚會,當年由鄭丹瑞擔任司儀,哥迷找出一張二人同場的照片送贈給阿旦,阿旦看過後激動落淚道謝,他說:「呢張相搞到我好激動,好多謝。」鄭丹瑞表示,《想你張國榮》音樂會收到的課金將不扣除成本捐到「惜食堂」讓長者買米,節目於4月1號晚7時半網上播放。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner