MIRROR宣佈加開兩場演唱會 呼籲歌迷勿買黃牛飛

更新時間 (HKT): 2021.03.27 17:05
MIRROR加場,fans又要準備撲飛喇!

ViuTV男團MIRROR早前宣佈5月6-8日假九展Star Hall舉行成軍兩周年演唱會,但門票火速售罄,唔少fans撲飛撲個空,今日MIRROR 12子出席記者會,加開9及10日兩場次。

由於fans爭飛爭崩頭,隊長楊樂文(Lokman)希望大家冷靜,呼籲大家不要買黃牛。現時MIRROR正在為演唱會構思中,下月便開始半閉關,他們也希望可再加場,不過擔心聲帶應付不了,要由江𤒹生(Anson Kong)幫忙當「營養師」,替隊員準備開聲飲品,又笑言大家也要增肌減脂,邱傲然(Tiger)與姜濤分別要增肥及減磅,問姜濤要減多少磅?他說:「要做多啲運動,最緊要飲水,食得清淡啲。」身後的呂爵安(Edan)嘲笑姜濤起碼要減50磅,AK說:「起碼要見返腮骨,而家已見返少少。」而演唱會騷肌環節,隊友們笑言要交給邱士縉(Stanley)、王智德(Alton)與李駿傑(Jeremy)3個大隻仔。

MV拍足23個鐘

為配合演唱會,MIRROR日前推出本年度首支跳唱團歌《WARRIOR》,MIRROR為了今次MV拍足23小時,隊長Lokman楊樂文表示:「其實今次歌曲籌備了一段時間,編舞上係密集咗少少,而且大家成員都有不同工作在身,都比較忙,所以濃縮咗啲時間,喺兩星期內進行相當密集式嘅訓練,而今次首歌嘅舞步,肥仔(梁業)都有份編排,肥仔出名要求高,我哋個個都跳到大汗疊細汗,都有同肥仔及排舞導師傾點樣令首歌嘅舞跳得更好,相信今次出嚟效果會好浩蕩。」

姜濤與Juno參加線上派對

此外,姜濤早前與麥俊龍(Juno)、陳凱詠 (Jace)參加一個線上派對,Juno打頭陣唱了多首耳熟能詳歌曲,包括《寂寞就如》、《耿耿於懷》、《念念不忘》等等,更特別請來王嘉儀與他一起合唱重新編曲的《雌雄同體》。而姜濤則壓軸出場,唱出全新歌曲《Master Class》,帶給觀眾無限驚喜。「之前說過以後會用作品代替說話,所以每一次演出都希望有新嘗試,帶給觀眾新鮮感。我都很喜歡今晚的演出,能讓大家看到我cool、型格的一面。希望日後有多些現場演出,再呈現多些不一樣的我。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner