郭羨妮爆曾住鬼屋一年 愛貓離世疑附身草蜢返家

更新時間 (HKT): 2021.03.27 14:14
(互聯網圖片)

郭羨妮(Sonija)近日致電「鬼王」潘紹聰主持的靈異節目《恐怖在線》,自爆曾發生在自己身上的靈異事件。Sonija透露去年6月養了17年的愛貓離世,懷疑貓貓兩度附身在不同動物身上返家,她說:「將貓貓火化之後,有日同個女坐喺露台好傷心,個女突然大嗌,見到好大隻嘅草蜢,其實我住十幾樓,基本上係冇可能出現,當時我為咗保護個女,一嘢打死咗佢,仲沖埋落厠所,後來先諗係咪貓貓呢?!之後我將貓貓啲骨灰撒落屋企嘅植物度,希望將生命延續,突然有隻雀仔飛埋嚟我露台度唱歌,呢啲咁無可能發生嘅事,當我想攞相機影相時佢就即刻飛走咗。」

Sonija又透露曾在西貢近北潭涌住過一年鬼屋,她說:「都好猛,間屋好奇怪,我係租嘅,每日都唔知自己做緊咩,搬入去全年冇買過梳化,喺屋企都係坐外景凳,冇心機去諗點搞間屋,好冰冷。」之後Sonija和媽媽分別遇上血光之災入醫院,兩隻狗亦不幸過,她續說:「當時成日有人撳鐘,但冇人嘅,最後一家人頂唔住搬走咗。」

而最後一件靈異事件,發生在1999年,她選港姐期間與一班佳麗去中山拍外景,她稱工作完畢後返到酒店倒頭大睡,但翌日清早起身見到同房室友,用好怪異的眼神望住她說:「噚晚你有冇過嚟我張床度坐?」室友指前一晚感覺到有人坐在她的床上,feel到張床「凹咗」,Sonija即否認,她懷疑當年兩人曾移動過房內佈置,或許因此招來靈。潘紹聰說:「所以點解你選到,佢選唔到,因為佢黑囉。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner