Race順利誕細仔Dayton湊成「好」字 談生B苦況:生完呢個仔唔生喇!

更新時間 (HKT): 2021.03.27 22:14
(IG圖片)

(新增內容)

前女子組合2R的黃婉佩(Race)去年接受新加坡傳媒訪問時,宣佈再度懷孕,她在今年初公佈自己成功陀仔,為新加坡富商老公David Loh湊成一個「好」字。今日Race在社交平台公開B仔照片,她透露B仔叫Dayton,但B仔何時出生及體重等資料則保密。

相中見到Dayton被藍色被包着,安睡在白色被褥上,Race指相片攝於本月21日。坐月中的Race沒有出鏡,相信要照顧初生嬰,以及3歲大的女兒Cara,很可能沒有時間打理自己。而Race在本月中曾貼出孕照,她靈巧地跪在地上,並雙手捧着Cara的臉,兩母女嘴對嘴作親吻狀,Race以全英語留言讚女兒勇敢、無懼、美麗、聰明和善良,她稱願意與女兒分享自己的故事,讓女兒建立正面的觀念。Race在文末寄望女兒可以相信自己,她坦言十分愛女兒。

Race今日接受《蘋果》電話訪問:「我今次係順產,入咗院開始痛,差唔多24小時之後生,成個過程好辛苦,老公有幫手接BB出嚟同剪臍帶,我成身都痛,成個人散晒,今日舒服啲。」Race指上周六晚入院,星期日生B,星期一出院返屋企休息,「跟住要餵人奶,又要等幾日,擔心夠唔夠奶,呢兩日情況先settle啲;可能我身形好細粒,所以生仔好辛苦,生完之後都keep住痛,生完呢個仔唔生喇,年紀都唔細,真係好痛,痛死人,咁多日先似番個人。」

原來BB過了預產期才出世,「其實預產期係3月16號,所以呢兩星期,我同老公處於好緊張狀態,20號開始痛,痛到夜晚11點入院,BB係遲咗幾日出嚟,但一直希望21號生,順產冇得擇日,但2021年21號出世,號碼好靚,好開心畀我可以夢想成真,21號星期日出世,星期一老公可以返工做嘢,timing好好。」

Race再為人母,家姐黃婉君(Rosanne)未有表態恭賀,反而是她們的妹妹在社交平台出post恭喜二家姐添丁。不過黃家姊妹都一樣,沒有多餘的留言,只是簡單的祝福。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁