林二汶黑裙Look踏上紅館舞台 獻唱《再聚》悼故友盧凱彤

更新時間 (HKT): 2021.03.27 21:06
林二汶演唱會,除了自己父母,Ellen父母亦有出現。

林二汶一連兩場《The Beginning of Faith》演唱會今晚在紅館開鑼,入場雖然需時,但過程順利。今晚到場欣賞的圈中人有梁祖堯與《全民造星III》隊員陳韋璇、Manson(張進翹)、Alina與MIRROR成員男友等,歌手朋友就有馮允謙、岑寧兒、何韻父母等。另外,at17隊友、已故的盧凱彤(Ellen)今日生忌,二汶亦有邀請Ellen父母睇自己演出。

等候觀眾入場期間,螢幕不停閃出「2020」、「2021」,當現場樂隊埋位時,觀眾們已經勁High,又主動拍手打拍子。晚上8時30分準時開騷,當熄燈的一刻,穿上黑裙襯以紫綠色花束裝飾的二汶在舞台的中間升台出場,並獻唱由已故拍檔盧凱彤作曲的《再聚》揭開序幕,之後再唱《驚人》、《北京道落雪了》、《Wanna Be》。

唱完4首歌後,二汶在台上寄語大家在可以擁抱時就要擁抱,並叫觀眾們閉上眼睛,再數完123後,大家開眼時,已見二汶擺好甫士,她解釋:「今日冇着高踭鞋,如果着咗只係能夠企喺度同坐低,着高踭鞋真係唔係我強項,有啲人可能話食得鹹魚抵得渴,但咁聽完心仲痛,所以我着咗平底鞋(係波鞋),有啲拍檔、姐妹、兄弟佢會明白你唔會咁講,就好似你着咗平底鞋,佢哋會令你腳踏實地重頭做起。」接着她唱《下一站天后》時,叮囑大家要小心安全。然後再唱《Do You Love Me》、《道成肉身》。

當二汶唱完《我變成我》後,再唱《給十年後的我》時,一位女dancer懸在半空跳舞,之後她從升降台上升起來唱《搖到外婆橋》,二汶指這首歌是送給婆婆,「有日唔明白點解褲袋入面有紙巾,突然間收到電話叫我趕去醫院睇婆婆,我去到醫院,我再收到消息,就係話我知3月27號紅館個期confirm咗,我同婆婆講,你個孫好叻,真係開到紅館,唔使擔心。面對生離死別,就算你平時做得幾好,總係唔會準備得好。」她接着唱出《今生不再》,以及邊彈結他邊唱出由Ellen負責曲詞的《大姆指之歌》,一直仍記掛住Ellen的二汶,其間一度哽咽甩嘴。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner