廖啟智離世丨鮑起靜泣不成聲大嘆無緣再見 兩周前曾為對方唱生日歌

更新時間 (HKT): 2021.03.28 22:28

廖啟智不敵胃癌,圈中好友大感突然。上周一(22日)傳出智叔患癌後,不少朋友都有拍片為他打氣,智叔太太陳敏兒到醫院探病時,曾透露智叔遇到好醫生,有胃口食到一日三餐。

今日噩耗傳出,與智叔同屬第八期訓練班出身的魯振順,在得知智叔離世後,大嘆人生無常,要珍惜眼前人,他說:「我哋一班同學經常有聚會,但去年智叔就冇嚟,得敏兒(智叔太太),但都冇講乜,我哋仲以為佢開工。智叔平時都好少講嘢,咩都在心中,祝佢一路好走。」

鮑起靜近年與發哥、智叔一起跑步健身,她今晚接獲智叔死訊時非常傷感,在訪問中喊過不停,泣不成聲。鮑姐早前才拍片為智叔打氣,她哽咽說:「知道呢個消息真係好難過,我仲諗住佢會好返,希望再見到佢一面,可以一齊跑步,原來已經係冇機會。」

鮑姐說細細個已經認識智叔:「我哋好細個,十幾廿歲就識,好懷念佢,佢喺電影界有好好嘅發展同成績,大家都有目共睹。佢又係好nice嘅一個人,教咗好多學生,佢呢生人好豐盛,希望佢嘅家人節哀順變。」鮑姐續說:「上兩星期佢生日,我同方平影咗相,又畫咗生日卡,又錄咗片,唱生日歌佢聽。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner