廖碧兒灑淚認圈中冇朋友 盧覓雪提醒: 同事想你死仲戇居居

更新時間 (HKT): 2021.03.28 18:51
(影片截圖)

廖碧兒(Bernice)和林曉峰日前邀請盧覓雪為ViuTV飲食及清談節目《是滴是友》做嘉賓,雪雪大談在娛樂圈生存法則,表示見過好多女星為怕失去男朋友,寧願幫對方找藉口,她說:「我見太多女明星嘅問題係咩呢,佢有二萬個理由去幫個男朋友講嘢,但每一次佢最後又後悔同我講,其實你day 1都知㗎啦,不過你又唔肯承認,如果我放走唔會有第二個咁點算,好多心理恐懼。」

之後雪雪特別提示Bernice要帶眼識人,她說:「做藝人有時儍更更,如果當我好熱情叫你去飲茶,但3日後就有個報章雜誌嘅狗仔報道出咗嚟,『Bernice同盧覓雪好friend』話巴結嗰啲嘢啦,當然呢個世界有偶然,但你有冇諗過其實係我去放料畀人去跟呢,因為我都想靠住佢多啲exposure㗎嘛。」Bernice十分認同,坦言圈中冇朋友:「對我嚟講,娛樂圈嘅Artist朋友呢,我會分開嘅,我之前冇呢個空間(識朋友),因為我只識娛樂圈嘅人,我一嚟到(香港),就37小時喺同一地方,喺頭十年,我係冇圈外嘅朋友,除咗我Daddy。之後我先有自己嘅空間,我先識人,唔好話朋友,到現在先發現另一個世界呀。」

盧覓雪:你要醒呀!

此時,Bernice已開始眼濕濕,雪雪打圓場說:「佢就最慘嘞,聽到我都想喊呀。真係藝人最慘係咩呢,佢交嘅唔係朋友,係同事之嘛,你啲同事想你死,你仲戇居居,仲唔知咩都同佢講。同事係唔需要交嘅,佢可以係你同事,終極成為你嘅朋友係可以嘅。」Bernice忍不住流下眼淚,表示很少人明白自己:「你開始整到我喊。」雪雪表示二人雖然不是經常見面,但每次見面都會講到雞啄唔斷,最後再忠告:「我點咗你嘞,你要醒呀!」

Bernice是2001年的華裔小姐冠軍,先後與劉愷威和陳豪拍拖,至2011年離開無綫;近年Bernice多次被影到與富二代盧啟賢(Calvin Lo)出雙入對,更屢婚訊,但最後被Calvin否認其女友身份,表明「份屬朋友」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner