劉小慧讓退役「駿王」再出賽 否認為錢虐馬

更新時間 (HKT): 2021.03.28 16:19

蘇志威和老婆劉小慧近日被指「虐馬」!二人視為親生仔的愛駒「駿王」,曾經試過爆冷跑第一,但因心律不正及腳部傷患被逼退役,去年6月,「駿王」被送去新西蘭養老,劉小慧更淚灑當場。但日前「駿王」改名「駿王仔」在澳門再度出賽,遭網民質疑不顧馬匹安危,為獎金仍以愛駒生命作賭注。

劉小慧今日接受《蘋果》訪問大呼冤枉,指自己一直好錫「駿王」,強調馬匹好健康:「好多人關心『駿王』傷患嘅問題,我都係最後一次喺呢度同大家交待,佢隻腳由始至終都係無事嘅,之前返嚟嘅時候因為鞋嘅問題,有啲趷腳,醫生拎佢去照X-ray,事實上有啲位都係唔係咁靚,所以每一次佢走得唔係咁靚,加埋啲所謂報告,令有啲獸醫,尤其香港賽馬會係會嚴僅啲,好多時都覺隻腳有事,但其實從來隻腳都冇事。其實好簡單,佢喺香港服役幾年,現在喺澳門都有服役,騎師條命好緊要,有問題絕對唔會騎上去,但從來都冇一個騎師或練馬師話佢有問題,佢係一隻正常嘅馬。」

當初送「駿王」到新西蘭只是無辦法之中的辦法,小慧稱香港賽馬會認為「駿王」不適合出賽,但一時間未能找到合適地方,只能送到新西蘭,到後來發現大陸有一處好適合「駿王」頤養天年的地方,但由新西蘭直飛去大陸手續極繁複,幾乎沒有可能,唯有先將『駿王』運到澳門,幸運地『駿王』檢查身體後亦乎合當地出賽馬的資格。小慧續說:「去得澳門馬會冇可能唔服役嘅,但我哋係hea住出賽,每月要花更多嘅錢,直至佢終老。」

小慧透露將馬匹送到外國,只需要給予一筆過的金額,但之後無權過問馬匹生死,這點令她不捨。她說:「好多人唔知,一心送隻馬去外國頤養天年,唔代表全部善代待,其實有啲係放逐去養,原來食唔飽,我唔希望呢啲事發生喺我囝囝身上,所以我條片最尾嗰句都話『我哋一定會再見面』,我一早部署佢會返嚟我身邊,搵到一個場,可以長時間畀我哋每星期睇到佢,make sure我隻馬仔係健健康康過佢嘅一生。有啲人話我為錢,但我咁做只會付出多過我收入,退役後使嘅錢,現在再贏十場頭馬畀我都好,應該都cover唔到。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner