廖啟智離世丨接拍《十年》毋懼秋後算賬 對白預言勉勵港人:千祈唔好慣

更新時間 (HKT): 2021.03.28 22:55

「千祈唔好慣,就係因為我哋乜嘢都慣晒,先搞到你哋咁。」智叔廖啟智匆匆走過67年,留下精采作品無數,戲中人金句深入民心,演技絲絲入扣,其中令港人感受最深,也許是《十年.本地蛋》這一句。電影2015年上映,說的是十年後的香港,批鬥已成常態,小學生變成紅衞兵,「本地」二字不能提。當日誰也料不到,2021年的中國香港,獵巫已是生活一部份,小朋友排着隊,小小後腦勺一個跟一個等洗腦,像智叔戲中的兒子那樣。

曾自認草根本土 好鍾意香港

智叔曾說,如果大家都悲觀,只會越來越悲觀。2016年,那是一個仍然可以說真話的年代,智叔有次在周刊訪問中談及自身:「我自己會堅決留港,我係比較頑固。可以咁講,其實我係草根派,我係本土派,我鍾意香港。」

同年,智叔接受《蘋果》專訪,宣傳《十年》。對於戲中片末那句有如預言的他「千祈唔好慣」,智叔當時已有一番體會:「千祈唔好慣,明朝轉做清朝嘅時候,要剃頭要梳辮,漢人習慣咗,當有一日剪佢條辮,佢哋會喊。有句說話係『積非成是』,當非變咗是反而唔慣。你要衡量一樣事,時代要向前,環境要變化你要隨住大潮流行嘅時候,好多事你要取捨。但你要推住頂住,會辛苦,有啲人願意辛苦,有啲人願意跟住行。」

「我哋仍然有存在價值,我哋仍然我心不死」

「香港人或者大多數人都希望生活環境唔好有突變,自然咁慢慢變,亦都冇得驚。我哋(香港人)相對地對於10多億人口嘅比例,非常懸殊。但我亦都勉勵一下自己,一啲香港應有嘅特色唔好妄自菲薄,我哋仍然有存在嘅價值,有我哋可取之處,我哋仍然我心不死。」像《點五步》裏的盧Sir說,「校長無話過要你哋贏,但有叫你哋唔好放棄!」

受訪之時,肅殺之聲已悄悄掩至,大張旗鼓批鬥是金像獎摘「最佳電影」之後的事。當時問智叔可擔心接拍《十年》會被秋後算賬?他一貫淡然:「雖然我只係拍一個短篇,其他故仔我都知道,5個都包含到政治成份,冇擔心過秋後算賬同俾人舉報。驚唔驚啲老闆自我審查唔用我?係人都係我老闆,咁唔緊要嘅,咁多老闆,有人唔鍾意用我,亦有人鍾意用我嘅。」

《本地蛋》導演伍嘉良晚上在facebook發文悼念,稱與智叔合作是最大榮幸:「雖然只是一次短短的合作,已是自己及作品最大的榮幸,從智叔身上學到的,實在太多太多,永遠懷念畫內畫外的您。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner