林二汶難忘盧凱彤綵排時爆喊 起音樂時:依然喺我隔籬

更新時間 (HKT): 2021.03.29 12:18

林二汶一連兩場《The Beginning of Faith》演唱會昨晚在紅館進行尾場,二汶父母、岑寧兒、藍奕邦、許廷鏗、ANSONBEAN(陳毅燊)、 何超儀與老公陳子聰、C AllStar成員釗峰和安仔、Gin Lee(李幸倪)等均有到場欣賞,其間當ANSONBEAN現身時,惹來一陣哄動。

二汶一口氣唱《再聚》、《驚人》、《北京道落雪了》、《Wanna Be》後,她表示多謝大家來臨尾場。《全民造星III》冠軍Ben(趙祥誠)擔任兩晚的表演嘉賓,當Ben現身台上表現折骨舞時,台下觀眾一片歡呼聲。

感激明哥獨具慧眼

雖然今晚沒有姜濤做表演嘉賓,但二汶笑說:「今晚冇我最喜愛男歌手,但有我最喜愛女歌手。」她即模仿彭羚、薛家燕、衛蘭、梁詠琪、葉蒨文聲線唱《愛你枕邊暖》,唱完後,二汶笑說:「多謝咁多位嘉賓,嚟唔到都嚟咗!」她提到要開紅館真的不容易,所以她要多謝黃耀明,沒有他的獨具慧眼,她的一切就不會開始,她亦感謝哥哥林一峰,經常將最好作品給她,還多謝身邊的戰友;在唱完《最後的信仰》後,近晚上11時完場。

接受訪問時,二汶表示完成兩場個唱後,感到十分疲倦和眼瞓,她笑言:「我唔明點解啲人可以開到10場,衷心佩服佢哋。」對於Ben連續兩晚擔任表演嘉賓,二汶大讚對方叻仔,跳舞又好,不過首踏紅館的Ben卻說:「我緊張到手震,揸咪都唔識揸。」問到姜濤未有再擔任尾場表演嘉賓,是否酬勞太貴?二汶笑說:「唔係,因為佢唔得閒。」至於哥哥林一峰兩晚沒有現身,二汶指一峰是遊樂詩人,現時正在隔離中,只好寄望下次,二汶亦希望可以連開10場的part 2,亦感謝唱歌老師教她開聲。

憶起盧凱彤爆喊

談到盧凱彤父母到來欣賞頭場,二汶指是她親自邀請。至於在這兩晚演出中,二汶很少提及盧凱彤,她說:「我覺得用歌係最好,我覺得冇嘢好得過將佢嘅作品擺上紅館,喺台上面,我諗『真係得番你一個人』,我有呢個感覺,但當有音樂嘅時候,我又感覺大家依然喺一齊,依然喺我隔籬,噚日都忍唔住有啲哽咽,綵排嘅時候我喊得仲慘,On Show已經冷靜啲,其實好難忍,人越大越喊得多咗。」

最後提到二汶開騷不久,廖啟智不幸離世,二汶瞪大眼睛表示不知情,跟對方沒有合作過。談及一個月內演藝圈痛失兩位前輩吳孟達和廖啟智,二汶說:「咁啱又係講到生離死別,所以我咪講囉!無論我哋準備得幾好都唔會準備好,我覺得喺呢個時候,我明白對身邊嘅人應該係靜靜咁樣畀時間佢哋過,咁係最好,我衷心祝佢哋有足夠嘅時間,雖然永遠都會掛住,呢個我都明,我懂得唔講啲乜嘢比懂得講咩更加好,珍惜每一刻就係最好嘅準備。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner