李明蔚抗癌9年遭網民指博同情 心酸回覆:錢係咪可以令我唔再痛

更新時間 (HKT): 2021.03.29 17:38
(IG圖片)

31歲的「抗癌歌手」李明蔚(Sarena),2012年不幸患上罕見病鼻咽腺樣囊性癌,9年來一直勇敢抗癌,但病情反反覆覆,歷經多次化療、電療後,出現不少後遺症,包括面癱、失聲、眼睛合不上等症狀。

由於醫療費用高昂,李明蔚去年底曾發起網上眾籌,事隔半年,李明蔚昨日在IG Story貼出一張網民私信攻擊的截圖,指她公開病況是為錢「博曝光」及「攞同情」,該網民更詆毀李明蔚:「麻煩你唔好成日曝光啦,你咁做係想攞多啲人同情,等多啲人捐錢畀你,之前已經好多人幫咗你啦,你知唔知其實正常睇到你隻眼係有不安㗎,睇咗好唔舒服!如果你真係要曝光最好搵嘢遮住佢囉。」該網民指香港有好多慈善機構可以幫到她,還有很多人比她慘,但都要自己找方法解決。

李明蔚截圖反駁對方,解釋自己不是博同情:「其實我無攞同情,錢係咪可以令我回復正常?可以唔使再痛?」不少網民都斥責該網民的言論十分冷血。一向好照顧李明蔚的馬浚偉亦有出post力撐:「Sarena,完全不用理會!每個人都有他的喜惡愛恨,這都是他個人的感覺!最重要的,是實在有很多很多的人一直在支持你和疼錫你,包括馬仔哥哥,你知㗎!Right?p.s.我覺得你依家比以前更靚,雖然有一隻眼睛不能打開,但我總覺得你在向我單眼,也好像在放電一樣啊?!」網友大讚馬仔有情有義,似足太陽咁溫暖。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner