衛詩雅姪女爆陳家樂戀情 同連詩雅爭做老婆仔

更新時間 (HKT): 2021.03.29 23:05

衛詩雅和陳家樂主演電影《不日成婚》原本安排在賀歲檔期上映,因疫情戲院關閉延至4月1日愚人節正式上畫,遇着政府放寬場館入座達七成半,今晚戲中演員齊集於將軍澳舉行首映,眾多藝人現身捧場。

衛詩雅帶同戲中小演員現身,原來是她的5歲親姪女衛瑆妍,小姪女更視陳家樂為老公,衛詩雅說:「佢就係傳說中陳家樂老婆仔,一早就已經向咗姪女求婚,最初邀請姪女拍戲佢唔肯,後來話有陳家樂佢先應承,不過佢哋冇對手戲,姪女有啲失望。」受訪時小姪女更大膽直認老公是陳家樂,衛詩雅說:「姪女以前睇電視見到家樂會話我第日大個都要做戲,因為可以同老公一齊,但而家大大吓就變咗,嫌家樂老喇。」陳家樂說:「有少少傷心,但佢都仍然會叫我老公,好sweet。」

小姪女精靈可愛,追問拍戲酬勞她竟說未拆利是。至於會否以童星入行,衛詩雅說:「咁早入行會好老積,童真好緊要,佢大個就由佢自己決定,當時唔使返學所以玩吓吓。」

陳家樂叫小姪女做老婆仔,現實中緋聞女友連詩雅會否呷醋呢?陳家樂面紅扯開話題,但問到小姪女知否老公有女友,她表示知道,有沒有見過面?小姪女點點頭,此時衛詩雅即掩着小姪女嘴,再次扯開話題,後來再有人追問小姪女家樂女友靚唔靚女?兩人難敵童言無忌,衛詩雅即抱走姪女。至於電影安排在愚人節上映,遇着政府開放入座率七成半,二人表示好開心,會勁謝票回饋觀眾。

曾樂彤有份參與電影《金手指》演出,與電眼影帝梁朝偉有對手戲:「好緊張,有份參與歷史性電影演出,場對手戲係有啲嘢做吓,雖然唔係太大場面,但唔可以NG,同自己講呢幾日要順利度過,最終都冇NG。」曾樂彤不敢正視偉仔,更冇膽集郵。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner