廖啟智離世丨章國明憶40年前智叔試鏡《邊緣人》 失卧底角色靠老婆陳敏兒開解

更新時間 (HKT): 2021.03.29 20:31

廖啟智因胃癌離世,終年67歲。智叔縱橫演藝圈多年,演技被一致公認,原來他亦曾有試鏡失敗的紀錄,相信跟角色要求問題,跟表演無關。

今年是章國明導演的經典電影《邊緣人》上映40周年,他今日接受《蘋果》訪問,講到智叔忽然離世,誠言是演藝界一大損失。章國明透露之前跟智叔合作過兩次,早前跟他太太陳敏兒互加Facebook時,敏兒爆出老公一個多年的秘密,章國明說︰「同智叔合作過兩次,都係《廉政行動》劇集,一次佢幫我手做一個貪污立法局議員,另外一次就做個貪污衞生幫,當然演技叻到拍手掌。早年陳敏兒add咗我Facebook ,大家pm傾開偈,敏兒話畀我聽原來《邊緣人》嘅casting,智叔係嚟過見我,我自己都唔記得咗。佢話因為我冇搵到智叔做嗰個角色,智叔有一段時間都唔係太開心,直到敏兒多次安慰。」導演說相信沒有找智叔演出,與演技問題無關。最後角色落在新人艾迪身上,他亦憑此片榮登金馬影帝。導演又記得應該保留一餅面試的八米厘菲林,稍後有機會分享智叔面試的經典場面。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner