田蕊妮和杜汶澤分隔兩地不怕孤伶伶 李佳芯拒談情變

更新時間 (HKT): 2021.03.29 08:25
田蕊妮

由甄詠蓓和蔡美詩兩位導演打造的藝術紀錄片《Bad Acting》昨晚在圓方舉行慈善首映,片中林德信和蔡思貝有對手戲,李佳芯則挑戰獨腳戲,而亦有份參演的田蕊妮及舞台劇演員蝦頭,齊齊現身。

想去法國修讀演戲

田蕊妮與甄詠蓓合作舞台劇《聖荷西謀殺案》,連日忙於綵排,她解釋:「在疫情下搵吓有咩搞,有日睇到甄詠蓓個facebook有堂上,用傾偈形式,之後認識咗對方,大家好啱嘴形。」雖然曾貴為視后,阿田覺得學海無涯:「好似做人一樣不停學習。」她打從離開大台時已有進修計劃:「想去法國修讀演戲,亦係我好想去旅行嘅地方,雖然好多人話唔識法文去到好弊,我諗用身體語言啦,希望『喱騷』穩定,通關後可以出發。」

早前鍾培生向杜汶澤挑機,阿田和老公雙雙出post反擊,阿田雖夾雜粗口回應,但亦不忘禮貌祝福「林鍾一戰大賣,唔會輸」,此舉令網民激讚阿田大方兼EQ高。阿田對此說不再公開回應,還指「要講都講晒」。

去年11月杜汶澤演出完篤棟笑後便到台灣籌劃工作至今,阿田說:「佢喺台灣仲有好多嘢做,疫情下要飛來飛去都唔容易,等佢完成手頭工作先。」夫妻分隔近5個月冇見,阿田笑說:「大家唔使替我擔心我孤伶伶,每日都可以face time見面。」阿澤人在台灣也不時展示肌肉照,阿田說:「我諗佢唔會放棄健身,不過着返件衫先。」

李佳芯在影片中飾演被追數的「債仔」,她形容自己就似精神病一樣:「有對手同冇對手各有難處,不過喺冇對手嘅情況下就會加重難度。曾經喺屋企對住塊鏡勉勵自己,同埋畀自己一啲承諾。」令人聯想近日和拍拖6年陳炳銓情變,李佳芯表示與感情事無關。再次追問她的感情狀況時,李佳芯依然不置可否,她曾表示搵緊一種令大家舒服方式相處,她說:「唔再講喇,感情一直低調處理,要時間。」

林德信和蔡思貝在片中會以真實搞笑一面上陣,平日言談斯文,林德信今次竟要扮演古惑仔收陀地,他滿意自己表現,但導演另有想法:「有時越斯文會越恐怖!但好好玩。」蔡思貝在片段以蝦碌做錯事為主,「try to error」去演繹,她十分佩服蝦頭好學不倦,即時演技和急才已好勁,但仍會上課昇華自己,故啟發蔡思貝提升自己不斷溫故知新。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner