廖啟智學生下月為恩師舉行追思會 感激「廖Sir」身教言教

更新時間 (HKT): 2021.03.30 14:15

資深演員廖啟智前日(28號)晚上因胃癌病逝,終於67歲。入行超過40年的智叔,生前除了參與電視和電影的演出外,他在2010年於浸會大學電影學院高級文憑課程任教表演藝術,資深傳媒人兼浸大新聞系高級講師呂秉權今日在FB轉發由學生在《廣播新聞網》報道的一段關於智叔病逝的新聞,呂秉權寫道:「學生用心之作,還原了『老師:廖啟智』,在主流報道外,發現了智叔的另一面。」

鬧學生冇用個心做戲

報道指浸會大學電影學院的一眾畢業生和老師,計劃在下月為智叔舉行追思會,初步構思會播放智叔生前的演出片段,詳情稍後會公佈。對於智叔的離去,有學生表示感激「廖Sir」的身教言教,不單令他們學識做戲,甚至學識了做人,當中找來學生李添朗分享與「廖Sir」的相處軼事,他說:「佢係一個老戲骨,佢一眼就睇得出你嘅內心有冇觸動,喺我做完一個film work之後,佢問我:『有冇痛過?入面嗰種痛,係銳心銳肺嗰種痛?』跟住佢即場示範畀我睇,佢會點樣去演繹,所以我上堂嗰陣望住佢做戲,都會望到入晒神。」他還說:「我印象最深刻,佢喺一班同學面前鬧我冇用個心做戲,得一個軀殼,只係得一個表面,嗰陣我真係覺得無地自容。佢帶畀我嘅就係,無論做人又好、演戲又好都要用心。」

病痛發作都「頂硬上」

除了在課室上堂外,智叔亦試過帶學生到山頭演戲,其間多次為學生或畢業生義務演出,試過病痛發作都「頂硬上」,課程主任陳學人亦有提及當時情況:「當時我直覺就話不如今日改期喇,但係我又即刻諗到葉童又已經到咗場,不過我冇出到聲,佢竟然話唔好,要直接去現場,我就話你行到行唔到?最後佢叫我幫手買痛風嘅藥。」

對於智叔生前曾經有意為學生開拍電影,可惜如今變成了一個未完成的遺願,陳學人說:「其實佢最主要唔係想做導演,你知唔知點解?佢一直好積極同構思唔同嘅project,希望幫我哋啲畢業生入呢個行業,無論係幕前或者幕後。」

智叔生前曾計劃與田啟文(田雞)開拍電影《翻兜人生》,希望提攜有志加入本港影圈的年輕人,田雞接受《蘋果》電話訪問時表示,雖然之前智叔卧病在床,但仍然念念不忘這個大計,如今智叔不敵癌魔而撒手人寰,田雞表示會繼續完成智叔的心願,希望在5、6 月開拍這套戲。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner