紅館尾場騷感謝明哥賞識 
林二汶憶盧凱彤爆喊 「依然喺我隔籬」

更新時間 (HKT): 2021.03.30 02:00
■林二汶兩場紅館個唱前晚舉行完畢,她在台上模仿多位歌手聲線唱歌,笑指請了不少嘉賓。

林二汶一連兩場紅館演唱會前晚舉行尾場,她的父母及一眾圈中好友如岑寧兒、藍奕邦、許廷鏗及《全民造星III》季軍陳毅燊(ANSONBEAN)、 何超儀與老公陳子聰、C AllStar成員釗峰和安仔及李幸倪等均有到場欣賞,其間當ANSONBEAN現身時即惹來一陣哄動。另外《造星III》冠軍趙祥誠(Ben)繼首場後,前晚繼續上台任表演嘉賓,當他表演拿手折骨舞時,台下歡呼聲不絕。

大讚Ben好舞功

首場嘉賓姜濤前晚未有再出現,二汶在台上笑說:「今晚冇我最喜愛男歌手,但有我最喜愛女歌手。」她即模仿彭羚、薛家燕、衛蘭、梁詠琪、葉蒨文聲線唱《愛你枕邊暖》,唱完後她笑說:「多謝咁多位嘉賓,嚟唔到都嚟咗!」二汶坦言要在紅館開騷真的不容易,她特別多謝黃耀明:「冇佢嘅獨具慧眼,我嘅一切就唔會開始。」她亦感謝哥哥林一峰,經常將最好作品留給她,二汶最後還多謝身邊的戰友,唱完《最後的信仰》後正式完場。

完騷後,二汶及Ben接受訪問,對於Ben連續兩晚擔任表演嘉賓,她大讚對方叻仔,跳舞又好,但首踏紅館舞台的Ben卻說:「我緊張到手震,揸咪都唔識揸。」問到姜濤未有擔任尾場嘉賓是否酬勞太貴?二汶笑說:「唔係,因為佢唔得閒。」至於哥哥林一峰兩晚皆沒有現身,二汶指他是遊樂詩人,現時正在隔離中,只好寄望下次,二汶希望可以連開十場的part 2。

「越大越喊得多」

談到已故好拍檔盧凱彤的父母來捧場,二汶指是自己親自邀請他們前來。提到二汶兩晚演出中很少提及盧凱彤,二汶說:「我覺得冇嘢好得過將佢嘅作品擺上紅館,我諗『真係得番你一個人』,我有呢個感覺,但當有音樂嘅時候我又感覺大家依然喺一齊,依然喺我隔籬,噚日都忍唔住有啲哽咽,綵排嘅時候我喊得仲慘,其實好難忍,人越大越喊得多咗。」廖啟智前晚不幸因胃癌離世,二汶指沒有跟對方合作過,不過對於近月來吳孟達和廖啟智相繼去世,她說:「所以我咪講,無論我哋準備得幾好都唔會準備好,惟有珍惜每一刻就係最好嘅準備。」

娛聞樂陪你走遍全球追星,即Like「娛果」FB 專頁!
BannerBanner