江嘉敏首集節目即開火 寸馮盈盈例遲藉口多

更新時間 (HKT): 2021.03.30 14:24
(網上圖片)

馮盈盈和江嘉敏兩位昔日好姊妹,因去年6月富豪船P反目後,自此兩女不相往還,不過TVB為製造話題搶收視,早前安排她們主持新節目《解構心機女》,可是節目未播出,二人就因為一張合照引發「P圖羅生門」事件,雙方繼而在網上隔空過招。

到昨晚首集節目出街,未知是因應節目效果,還是兩女心病浮上面。當話題講到約人出街時,馮盈盈搶住話:「有樣嘢叫Fashionably Late,即係好似約人傾生意,遲5分鐘到畀佢哋準備。」江嘉敏聽完即寸馮盈盈:「唔怪得我哋約佢出街,有咁多藉口遲到啦!」事後馮盈盈就此事接受訪問,爆自己成年冇約江嘉敏出街,又話如果過往真的有遲到,就向對方講句「對唔住」,希望對方不要放在心上。道歉之餘,亦似乎暗藏骨頭,句句有骨。

其實兩女都算是非多多,早前江嘉敏𢯎生果店長期贊助,被網民笑幾百蚊生果都食唔起,至於馮盈盈比江嘉敏尤甚,因一句「夠膽嚟踩場……拍到你變薑蓉!」結果得罪萬千姜糖,就算之後貼出和姜濤的合照撲火,但亦於事無補,反被指兜得夾硬兼肉酸,更被踢爆IG根本冇follow過姜濤和MIRROR其他成員。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner