無悔演《十年》:冇擔心秋後算賬

更新時間 (HKT): 2021.03.30 02:00
■智叔在《十年》中說「錯係嗰啲亂咁話人犯規嘅人」,對白前晚開始在網上再度成為熱話。劇照

廖啟智前晚不幸離世,網民紛紛懷念其經典作品,包括電視劇《選戰》及《教束》等,尤其對智叔在電影《十年》的《本地蛋》單元感受最深,網民貼出經典對白「千祈唔好慣,就係因為我哋乜嘢都慣晒,先搞到你哋咁。」悼念智叔。其實智叔接拍前已考慮到有被影響的風險,當時他接受《蘋果》專訪說:「我知道五個古仔都包含到政治成份,冇擔心過秋後算賬同俾人舉報。」他對經典對白亦有一番體會:「千祈唔好慣,有句說話係『積非成是』,當非變咗是反而唔慣。」智叔亦曾在訪問提到:「我會堅決留港,我係比較頑固。其實我係草根派,係本土派,我鍾意香港。」

與智叔合作《十年》的工作夥伴對他離世均感惋惜,監製蔡廉明前晚表示:「當初邀請智叔,佢好爽快答應,佢非常願意支持新導演,都帶咗一位學生參與。」當年智叔引薦浸大學生王慶南(Paco)參與幕後工作,同時客串演雞農阿祥,Paco昨接受《蘋果》訪問難掩傷感說︰「佢班房門外會貼住『遲到可以回家』,佢認為作為從業員必須要自重。」《本地蛋》導演伍嘉良昨表示:「正正係智叔演繹,令到大家今日仍然好記得某啲對白。」杜汶澤亦在網上引用《本地蛋》對白悼念智叔。

娛聞樂陪你走遍全球追星,即Like「娛果」FB 專頁!
BannerBanner