樂壇燈神譚詠麟挑機死而不「姜」:咁容易燈得死

更新時間 (HKT): 2021.03.30 18:50

近年勤返大陸搵人民幣的譚詠麟(阿倫),今日終於在香港的公開場合現身,提到他日前在微博讚賞姜濤得體回應自己被TVB惡搞,阿倫讚姜濤EQ如自己一樣高:「好少見有後生仔咁識諗,佢EQ拍得住我,哈哈哈!」他又指自己一直有留意姜濤:「我由佢開始訓練,由MIRROR開始,我已經有睇,覺得呢個男仔有少少得意,肥肥哋幾過癮,而家出邊越嚟越好。」

Fans諗埋一邊鬧是非

對於TVB在綜藝節目記招上惡搞姜濤,問到阿倫的看法,他認為這些節目都是笑下、開心下,他說:「我覺得佢(姜濤)唔會擺喺心,fans擺喺心就一定㗎喇!大家唔好諗埋一邊咪得囉!Fans諗埋一邊,我哋都慣咗㗎啦!」

就阿倫對姜濤的「加持」,網民意見不一,阿倫立即指早在2019年中已關閉自己的facebook賬戶:「我唔想睇啫,唔會唔開心,唔係咁多人同你同一個感覺、一樣意見同想法。」另提到有網民擔心姜濤被阿倫「燈死」,他笑說:「唔好儍啦!你睇克勤做得幾好,大器晚成,可能一點就明呢(指姜濤)!其實我都講過G.E.M.(鄧紫棋)同Eason,呢啲又唔見你哋講。」

提及Eason最近惹起代言解約風波,阿倫說:「有風波就一定,如果唔係點叫娛樂圈?娛樂圈一定有風波。咁容易『燈』得死,我『燈』死好多人啦!死唔去嘅!死而不『姜』。」

帶MIRROR過台?「唔關我事」

對於好友曾志偉擔任TVB副總經理,問到他何時亮相無綫?阿倫說:「得㗎喇,佢哋需要我嘅時候就會搵我,我哋通電話通得好密。」問他是否做志偉的智囊團?他謂:「佢問我,我咪提吓囉,我話做返啲節目,一定要做好音樂節目,以前華人社會嘅音樂資訊,係香港出去,希望做好香港樂壇,最好唔好分咩區別,你台我台,最緊要係大家齊心,同一個方向先可以做好音樂。」談到歌手們有合約在先,很難不分你台我台,阿倫續說:「一次半次有乜所謂。」

阿倫日前在微博提議MIRROR經理人「花姐」黃慧君帶MIRROR到TVB上《聲夢》切磋交流,阿倫今日被問到是否真的成事?他即落閘:「唔關我事,我唔識佢哋㗎!即係我咁提啫,既然咁樣,大家不如去交流一下!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner