周慧敏伍仲衡拖手唱情歌

更新時間 (HKT): 2021.03.30 02:00
■周慧敏多年來保養得宜,前晚上台時狀態依然大勇。

周慧敏前晚應音樂人伍仲衡邀請,擔任對方旺角麥花臣演唱會嘉賓,周慧敏在台上與伍仲衡拖手合唱《情未了》時,伍仲衡笑說:「最衰我哋識得太遲,唔係倪震就有對手。」完騷後,被問到曾否和倪震拗手瓜?伍仲衡說:「只係台上娛樂大家。十指緊扣係我想,唱情歌拖手sweet啲, 我一直當佢係家姐,佢好撐我,成日畀意見。」他再三解釋只是搞氣氛,似真的怕倪震呷醋,他說:「唔係,我哋都好熟嘅。」

另外,前晚嘉賓還有阮兆祥、黎瑞恩、韋綺珊、王馨平、湯寶如及布志綸等,其中方皓玟擔任神秘嘉賓演出,伍仲衡讚她沒任何大唱片公司支撐,也能默默堅持做自己音樂,開心見到對方成為香港受歡迎女歌手。而視伍仲衡為恩師的方皓玟,憶起當年收到《分手總要在昨天》一曲時跪在地上哭了起來。

娛聞樂陪你走遍全球追星,即Like「娛果」FB 專頁!
BannerBanner