MIRROR演唱會二度加場 Anson同學求飛:愛莫能助

更新時間 (HKT): 2021.03.31 13:42

MIRROR 5月舉行的《ONE & ALL》門票火速售罄,一票難求!成員之一盧瀚霆(Anson Lo)今日在銅鑼灣出席活動,半百歌迷守候。Anson透露公司決定加開5月11日最後一場,最終場數為6場,由於放寬限聚令,入座率可增加至75%,他說:「今次真係最後一次加場喇!而家總共開6場,希望體力可以持續咁多日,因為9成係跳唱歌,驚體能吃力,同埋樣會殘,影響視覺唔好。」

講到之前開賣日子,已有歌迷願出高價買飛,他呼籲歌迷別購黃牛飛:「我哋各自喺社交平台講咗唔好買黃牛,助長炒得越高,怕有啲歌迷經濟唔好睇唔到。」之前有小學、中學同學求飛,Anson Lo也愛莫能助,因為內部認購本身飛量都不多。

Anson Lo與其他成員今日各自有工作,4月初本開始為演唱會正式綵排,之不過商演活動一浪接一浪,被笑指已賺一桶金,Anson Lo謙虛說:「每人嘅一桶金價值唔同,我一萬都算係,啱啱賺到一桶金,媽咪最近鍾意咗一條頸鏈,演唱會後買畀佢,我都想買啲飾物畀自己。」而《ONE & ALL》演唱會新增門票將於明早10點公開發售,相信一眾「鏡粉」要努力撲飛先得。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner