爆相爆片丨林利陪患癌媽媽外出嘆小籠包 母子拖手回家好溫馨

更新時間 (HKT): 2021.03.31 22:06

林利侍母至孝,為照顧83歲確診喉部淋巴癌三期的媽媽,只好跟台灣籍太太Erin分隔兩地,結婚超過年半至今仍未有時間影婚紗相。昨日林利夫婦在網上「互片」,林利承認自己不是好丈夫,留言叫老婆去找更好的生活。雖然林利未必是好丈夫,但一定係孝順仔,皆因從台灣返港照顧患病母親的他,因疫情關係,醫院不准探病,所以接了媽媽回家照顧,最近媽媽身體轉好,兩母子閒來就外出用餐,或在屋苑附近散步曬太陽。

《蘋果》讀者林先生日前透過「爆相爆片」,指當日接近黃昏時間,在美孚附近的商場看見林利,「佢同一個女人,入咗間餐廳食嘢,食咗個幾兩個鐘之後離開。佢哋經過商場,冇買嘢,之後就行去其中一座大廈,估計佢哋住喺嗰度 。」

陪媽媽出街做足保護

讀者林先生所指的女人,其實是林利媽媽,林利陪媽媽到餐廳撐枱腳,還點了媽媽最愛吃的小籠包,用餐後他們即刻戴回口罩,相當警惕,而他們穿過商場時,林利用紙巾推門把,開門時有批人迎面而來,他似是怕媽咪被人推撞到,迅即擋在前面保護。步出商場後,林利又拖住媽咪過馬路,盡顯細心一面,母子二人更手拖手行回寓所,非常溫馨。

林利接受《蘋果》訪問,他表示:「我由媽咪插住喉管接返嚟,我唔畀佢喺醫院住,我同醫院講,我學抽痰、清潔,返屋企照顧佢,因為佢咁大年紀,唔可以做化療,醫生都唔建議,我寧願自己辛苦啲帶佢做電療,起碼佢喺屋企,個人舒服好多,好得好快。我都叫做打咗場仗,但佢未完全打晒,因為佢係淋巴,可能其他地方有機會,所以食住保健品,最重要係有親人喺身邊。」

他指媽媽現時身體狀況良好,「佢而家好好,可以自由出街,月尾覆診,睇喉科發現冇咗腫瘤,所以喉管可以抽咗出嚟,佢喉嚨已經埋咗口,可以自己呼吸、食嘢、講嘢,但身上嘅癌菌未知,仲要等驗身報告,佢會大步𨂾過,有我喺度唔使驚。」

夫妻「互片」後主動大和解

另外,林利為了照顧病母,跟太太分隔兩地,超過5個月沒見面,昨日才表示和太太處於冷戰中,今日他已經主動跪低認錯,大講好話兼示愛冧妻,在社交平台發帖文:「我錯了!在暗潮洶湧中不斷地自救,撐住自己,忽略了胡同裏的我們,忽略了妳,我會很努力的,把胡同整理好,使我們互相燈火通明,再次謝謝妳的包容,辛苦太太。我盡力,我愛妳……」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner