陳卓賢首孖女友盧慧敏情侶檔現身 力勸Fans切忌為撲飛墮騙局

更新時間 (HKT): 2021.03.31 17:03

陳卓賢(Ian)與混血索模女友盧慧敏(Amy)的定情劇《無限斜棟有限公司》今日在九展舉行記者會,合演的黃定謙、太保、吳家麗、葉童、黃光亮、陳桂芬、 蘇麗珊及沈殷怡等都有出席。

自公開戀情後,Ian和Amy首次情侶檔接受訪問,不過Ian表示不覺得是情侶檔,只是拍劇的拍檔,但他覺得劇集帶給自己很多。提到當時與Ian邊拍劇邊拍拖,是否很sweet?Amy甜笑說:「佢(Ian)本身都好sweet!」Ian表示:「我冇乜做啲咩,好自然咁喺埋一齊,我哋每日拍好多個鐘,大家相處都好真實,所以覺得大家幾夾。」

將來會否介意情侶檔工作?Ian說:「我諗我哋嘅工作範疇都好唔同,所以冇乜諗過會情侶檔,但大家好有共識會專注自己嘅工作,所以冇特別話想,亦冇話抗拒。」Amy即和應,指自己的想法跟男友是一致。

勸Fans勿幫襯黃牛搶票

提到MIRROR再加開一場,Amy指自己會支持,而Ian表示因加場而感到很開心,「報答大家咁支持我哋,發覺好多朋友仔買唔到飛,又有好多黃牛出現,我哋覺得唔應該買黃牛,所以我哋諗可唔可以盡力加開多啲場次,等大家可以喺正規途徑買到飛。仲有一個好消息,入座率又高返。」問MIRROR成員有無傾過可以盡加多少場?Ian說:「如果所有條件允許,就算開10幾場,我哋都唔會呻攰!」

提到有人在社交平台出post留言指,一位叫「嘉熙」替3位MIRROR fans買飛,收錢後卻表示沒有飛,但又不退錢,更因為對方熄了電話而聯絡不上,Ian聞言後即說:「我唔清楚佢係咪我嘅fans,但MIRROR出活動都會見到佢,都認得嘅,真係再次鼓勵大家用正確途徑買飛。我哋都擔心大家買黃牛,亦有人借演唱會去做非法行為。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner