Edan呂爵安現身旺角引哄動 演唱會最驚表演「反白眼」

更新時間 (HKT): 2021.03.31 17:51

MIRROR成員呂爵安(Edan)今日到旺角出席奶茶飲品活動,逾300個fans塞滿街頭支持偶像,Edan更跟fans合唱一小段新歌《E先生連環不幸事件》,又和大家玩遊戲,場面哄動。

Edan坦言獲大批fans撐場感到喜出望外:「可能MIRROR太耐冇公開活動,餓咗太耐喇,拍過啲劇多咗人認識咗,嚟到見一見面,又可能演唱會買唔到飛,所以要嚟見吓真人,哈哈!」問到可擔心人群聚集?他說:「呢方面擔心都冇作用,交畀大會。」

提到MIRROR演唱會再加場,合共6場,Edan就話擔心自己體力能否應付,他說:「出道時開一場都成個人散咗咁,估計今次會好攰,之前得5成入座率,覺得不夠喉,而家加場又有75%入座率,有更多人睇,開心啲囉!」問到他在演唱會會使出甚麼秘密武器?他笑指姜濤表演樂器會很驚嚇,Edan笑說:「姜濤玩樂器係驚喜定驚嚇先?哈哈!我就做好本份,自彈自唱《E先生》,而家苦練『開眼』見大家,盡量唔會反白眼或者合實,要多啲練習表情管理。」至於會否騷肌?他說:「嘩!留畀Stanley及Alton騷啦!喺之前拍港版《大叔的愛》都有除衫騷肌戲嘅,當時有腹肌都見得吓人,拍完就冇喇,如果練到都唔介意表演除衫彈琴嘅,等紅館啦。」

跟隊員Anson Lo在《大叔》中演hehe的Edan,被追問會否跟AL台上即場咀嘴?Edan笑說:「我OK呀!咀嘴唔使練,不過唔知花姐畀唔畀喎。其實喺劇入面有場都好激,嘴唇對嘴唇,我益咗佢啦!媽咪都戥我蝕底呀!叫我小心啲。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner