朱茵用微波爐蒸魚 黃貫中憶地獄料理史:條魚用保鮮紙包實

更新時間 (HKT): 2021.03.31 13:12

聽不少網民講起女友唔識煮飯煲湯,間中在家中就會化身地獄廚神煮暗黑料理!今日黃貫中57歲生日,老婆朱茵趁機為壽星公送上「愛心蛋糕」,在蛋糕上塗wasabi及黃芥末再用士多啤梨及芒果遮住穿崩位,務求要整蠱老公,讓他一試難忘。

朱茵先用手揞住老公雙眼,老公黃貫中擘大眼見到這個「其貌不揚」的蛋糕,已哭笑不得,知道是老婆親自為他整,黃貫中都畀足面,硬着頭皮試食。吃到一大啖wasabi後,他即刻揦埋口面,更一度辣到標眼淚,大叫:「嘩!辣嘅?係咪整蠱我㗎?不過整蠱唔到我,因為我覺得幾好食喎。」

奸計得逞的朱茵坐在隔籬,一直偷笑,黃貫中即老婆食wasabi蛋糕,朱茵之後拎出一早準備好的生日蛋糕,為黃貫中唱出生日歌及贈香吻,黃貫中笑笑稱:「其實老婆畀咩我都要食㗎啦!食完兩個蛋糕後,我真係覺得有wasabi嗰個好味啲,有食緊魚生嘅感覺,芒果就好似吞拿魚嘅口感。」

黃貫中更大爆朱茵整過不少地獄料理:「佢最恐怖係佢認真下廚嘅時候,仲大鑊過有心整蠱!我記得有次佢用微波爐蒸魚,條魚用保鮮紙包實,叮完出嚟成條魚掹到實一實,仲要唔係好熟咁,總之見到都驚。」朱茵笑住反駁:「我記得嗰時係識咗冇幾耐,呢個係畀佢嘅測試嚟,我要睇佢咩反應,哈哈!」 提到以往的生日驚喜,黃貫中表示最難忘是朱茵瞞住他相約了一班兄弟好友,為他舉辦驚喜生日party。而數到最浪漫一次,黃貫中表示:「我記得有次我哋喺海灘交換禮物,懶係浪漫咁,雖然係好老套,但往往最開心就係呢啲老套嘢。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner