MIRROR受惠放寬入座率加推門票 「鏡粉」跪求實名制:真正fans買唔到飛

更新時間 (HKT): 2021.03.31 16:15

男子組合MIRROR將於5月在九展舉行演唱會,由於疫情關係,演唱會入座率只得5成,再加上場地太細,令原本不夠分的門票更加難買,雖然其後再宣佈加開兩場,可惜迅間被秒殺,仍舊一票難求, 一張原價$1,420的VIP飛,更被黃牛炒高至一套兩張賣$8,000,食水相當深。

日前政府宣佈新一輪防疫措施,表演場地入座率放寬至75%,花姐表示正商討座位安排,令MIRROR的粉絲再度燃起希望,結果今日在MIRROR的FB專頁終於傳來好消息,主辦單位宣佈終極加開11日一場,所有場次座位亦會增至75%,加推門票價格為 $580 及 $380,於明天與加場同日開賣!

加場仍不敵「黃牛黨」

之不過有不少「鏡粉」對加場這消息未見太興奮,皆因他們即使如何努力,喪撳「F5」搶飛,最終依然不敵「黃牛黨」,難怪有「鏡粉」求實名制:「加場都係畀黃牛炒高晒,真正fans買唔到飛,經歷三次失望,心很累!」「加幾多場都冇用!真心想畀真粉絲睇就抽飛實名登記啦!」「應該實名登記買票, 阻止黃牛繼續炒賣。繼續加場, 黃牛繼續搶飛,炒到啲飛幾千蚊張,完全不合理!」甚至還有人說:「其實Jer記招都唔小心講咗係六場,點解要分幾次放啲飛出嚟?次次放飛又畀黃牛搶晒,fans 真係心好累!」

明天全數公開發售

另一方面,將於下月3至6日在紅館開騷的RubberBand,今日亦宣佈因應政府放寬疫情措施,4場音樂會的入座率將提升至75%,有關門票將於明天起全數公開發售。對於有更多觀眾能夠入場,阿偉開心地說:「可以多啲人入嚟同我哋玩,一齊感受現場氣氛,大家都餓咗好耐show,希望今次再加推等更多人買到,到時一齊享受返一晚玩番一晚!」

信用卡支付系統有問題

被形容為「騎呢小清新」的獨立唱作人Serrini(梁嘉茵)將會在下月10至11日於旺角麥花臣場館開騷,加推的門票本來在今日開售,不過朝早的銀行信用卡支付系統發生問題,令到首批已成立訂單客人的交易未能完成,KKTIX的FB專頁宣佈:「全部門票會先行停售,但我們會為今早已有訂單嘅客人先保留訂單,直到銀行系統修復後會再個別通知付費期限,我們正同銀行緊急溝通中 如有查詢請INBOX問小編,再次不好意思,謝謝大家!」直到下午一時左右,有關問題已經修復,有網民表示滿意有關安排:「真心!滿意你哋團隊快速咁跟進!就算自己買唔到飛!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner