姜濤唔怕俾譚詠麟「燈死」笑言:冇乜信呢啲邪嘢

更新時間 (HKT): 2021.03.31 16:54

人氣男神姜濤(姜B)最近不停出活動,今日他現身九龍灣主持「人生照相館」展覽揭幕禮,提到譚詠麟(校長)日前點名稱讚,大讚姜濤回應惡搞「薑蓉」事件有器量有風度,姜濤說:「多謝,好開心,睇到佢有留意我哋呢班新人,希望大家可以繼續留意我哋。」對於譚詠麟提議他和MIRROR過台參加《聲夢》一齊交流,姜濤說:「都好開心,我哋任何表演節目都想參加。」問姜濤有想過跟那位前輩合作?他笑言非常樂意跟校長合作,又說:「其實冇乜諗,個個都想,冇話要求想同邊個前輩,有表演已經好好。我爸爸媽媽都有聽佢(校長)嘅歌,我都有聽過。」至於網民擔心姜B會被校長的「燈神」威力「燈」死,姜濤起初不太了解被「燈」意思,了解過後他才說:「唔會,俾人稱讚係開心,冇乜信呢啲邪嘢。」

對於馮盈盈自爆希望跟姜濤合作真人騷,他說:「我知道佢係邊個,有合過照,希望邀請全隊MIRROR啦,我一個人唔識講嘢。」會否覺得對方抽水?他則大方說:「唔會,我哋又唔係特別犀利,唔好成日話人抽我哋水,大家交流啫。」

預言下年開紅館騷

而MIRROR於5月6至10日舉行的演唱會一票難求,今日宣佈再度加開11日一場,姜濤透露現已積極準備中,問到是否很多飛債?姜濤說:「希望可以多啲人睇到,我冇乜朋友,所以都唔係好多飛債。我當然想父母都嚟,爸爸都想嚟,但屋企人就比較擔心佢。爸爸而家都肥咗好多,出院後見佢瘦咗好多,所以都係我減肥嘅動力,佢而家肥返,飲食都回復返,放心晒。」姜濤透露演唱會將有新嘗試,而他將會表演樂器,他說:「舊年開始練一樣樂器,大家應該估唔到,係大過我嘅樂器。」今天見姜濤消瘦不少,他笑言感謝化妝師令腮骨重現,但仍未達到經理人花姐的要求,問到還欠多少磅?他說:「舊年喺台灣拍劇時最巔峯重咗8kg,而家仲未夠膽上磅。演唱會要有足夠體力,所以唔會禁食,都會同隊友一齊做Gym。」好多歌手會在開騷時乘機騷肌?對此姜濤笑說:「我聽Jeremy話,留返下年有機會開紅館時先騷!」

姜濤在活動中教fans自拍技巧,並唱出3首歌。現場司儀問姜濤人生中最想回到哪一個場景?姜濤笑說:「我會揀1月1號叱咤頒獎禮,因為個O嘴好後悔,因為太突然,想多謝返好多人,同埋影返靚啲嘅相。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner