許廷鏗迎夏日短褲解禁 準備晒小腿腳毛出關

更新時間 (HKT): 2021.04.01 16:10
許廷鏗開心商場騷復活。

許廷鏗(Alfred)今天於深水埗出席商場活動,自從回復自由身後,Alfred密密接job,問到他是否嫌舊公司接工作較少?他說:「唔好咁講,真係唔係,多謝客戶支持,有唔同嘅新合作。係因為疫情,呢種商場活動比較少,又會見到歌迷,要好好珍惜時間,會抽時間同佢哋傾吓偈,感覺好似歌迷聚會。」記者笑問他是否有「復活」的感覺?Alfred笑說:「係喎,咁啱復活節,都開心嘅。其實我嘅工作準則都一樣,唔係公司閘住,主要係疫情。做藝人好被動,好開心近來嘅工作可以又開心又可以一齊玩,客戶都會因應我嘅歌做project,又唔係硬銷,歌迷都願意會課金支持。」

提到Alfred今天與強尼惡搞開騷,在IG post了「演唱會宣傳海報」,他笑說:「愚人節嘛,我同強尼呢對組合未去到紅館,強尼係好強嘅歌手,愚人自娛,好多合作都好新鮮。」他又謂希望可以打破框架,未來期待多作不同嘗試,他說:「夏天嚟嘞,有客戶希望我可以夏日啲,我之前嘅底線係連短褲都唔得,而家可以見返小腿,對於呢類廣告會放寬啲。」會考慮拍內衣或泳裝嗎?他笑說:「睇吓點拍,可能着潛水衣,哈哈。粉絲都希望我可以同平時嘅look唔同,平日都係斯斯文文,呢個係我嘅動力,去接唔同嘅工作。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁