翟威廉澄清與麥貝夷冇拍過拖 被爆性伴侶多︰我係正常人

更新時間 (HKT): 2021.04.01 19:16

麥貝夷日前在互聯網發佈怒轟「你性伴侶的數量多得驚人」,此文一出即引來網民狙擊,矛頭直指曾經傳過緋聞的翟威廉(William)。William今天於大角嘴出席活動,為自己的日本飲料生意擺攤位,William澄清自己從未跟麥貝夷拍拖,不過就直認一直有跟不同女伴拍散拖,當中日本、韓國女性都有。William澄清說:「我要澄清一點,我唔係麥貝夷男友,我哋從來冇拍過拖,但我睇個story佢唔係講佢男朋友,我就諗佢係咪講緊我?我WhatsApp佢已經封咗我,我有叫個朋友叫佢(麥貝夷)澄清,我朋友話唔方便。本人單身咗7年,可以話陳庭欣之後都冇拍拖,伴侶係有嘅,呢個係我嘅生活,如果真係令到人唔開心,我向佢say sorry。」

問到他伴侶是指性伴侶嗎?他說:「人哋點講冇所謂,我係有拍散拖,日本、韓國女仔都有,呢個係我嘅生活模式。」他又坦言事件發生後令他糾結又不開心,不過當他聽到Sammi的歌曲《我們都是這樣長大的》,決定站出來面對事件,問他可感到指控太大,感到無辜?他說:「唔緊要,我36歲人,過多4年就4張,我自己嘅生活自己決定。我從來唔講大話,感情上好直接。」提到「性伴多得驚人」,William說:「我係正常人,唔好問我幾多個,我要澄清,唔係無數咁多。」

另外,剛宣佈被求婚的戴月(Kikko)跟未婚夫Stone亦在場,原來Stone是經營果茶生意的商人,二人拍拖3年,Kikko指求婚相當驚喜,但仍未計劃結婚的細節,婚後也會繼續幕前工作,現時正學跳舞,努力裝備自己。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner