MIRROR九展騷加場趕絕黃牛 
姜濤唔怕俾倫伯燈死「冇乜信呢啲邪嘢」

更新時間 (HKT): 2021.04.01 02:00

男子組合MIRROR將於下月在九展Star Hall舉行《ONE & ALL》演唱會,最初只舉行5月7日及8日兩場,但門票火速秒殺,MIRROR立即宣佈加開9日及10日兩場,但當時因疫情入座率只得50%,僅可容納約1,500人,令門票更加搶手,「黃牛黨」更把原價2,840元兩張的套票炒至8,000元。有見及此,MIRROR昨日宣佈終極加開5月11日最後一場,加上政府批准入座率增至75%,加推與加場門票今日同時發售,有「鏡粉」要求實名制,以杜絕黃牛黨。

想父母捧場

昨日MIRROR幾位成員在不同活動現身,其中姜濤到九龍灣出席活動,被問是否欠下很多「飛債」?他說:「我冇乜朋友,所以唔係好多,當然想父母嚟,但爸爸之前唔舒服,屋企人比較擔心。」見姜B消瘦不少,他笑言感謝化妝師幫忙,但稱仍未達經理人黃慧君(花姐)要求,姜B說:「舊年喺台灣拍劇時最巔峯重咗8kg(約17.6磅),𠵱家未夠膽上磅,但開騷要有體力,所以唔會禁食,反而同隊友做gym。」屆時會否騷肌?他笑說:「我聽Jeremy(李駿傑)話留返下年有機會開紅館時先騷!」日前譚詠麟(倫伯)大讚姜B,但有鏡粉擔心他的「燈神」威力「燈」死偶像,姜B謂:「唔會,俾人稱讚係開心,冇乜信呢啲邪嘢。」

另外,盧瀚霆(Anson Lo)及呂爵安(Edan)分別在銅鑼灣及旺角出席活動,Anson Lo說:「今次真係最後一次加場,希望體力可以持續咁多日,因為九成係跳唱歌,同埋樣會殘,影響視覺唔好。」Edan同樣擔心體力問題,而自彈自唱時經常「反白眼」的他笑言:「𠵱家苦練開眼,盡量唔會反白眼或者合實,要多啲練習表情管理。」他更笑稱不介意跟Anson Lo在演唱會上表演咀嘴。

Ian拍拖宣傳

至於陳卓賢(Ian)昨日就與女友盧慧敏(Amy)以情侶檔,聯同太保、吳家麗、葉童、黃光亮等在九展出席劇集《無限斜棟有限公司》記者會,Ian對於MIRROR再加場感到開心,他說:「如果條件允許,就算開10幾場,我哋都唔會呻攰!」對於有位自稱「嘉熙」的人幫鏡粉購票收錢後卻沒有門票又不退錢,及後更玩失蹤,Ian表示:「出活動都見過佢,再次鼓勵大家用正確途徑買飛,亦有人借演唱會去做非法行為。」而Amy則大方表示會看MIRROR演唱會支持男友。

娛聞樂陪你走遍全球追星,即Like「娛果」FB 專頁!
BannerBanner