蔣雅文《喱騷》飲「真心話」酒爆粗講圈中經歷 杜汶澤︰佢唔嗅米氣

更新時間 (HKT): 2021.04.01 20:33

杜汶澤目前人在台灣,繼續為自家網上電視台喱騷拍攝《尋找他媽的故事》,最新一集故仔找來移居台灣多年、前英皇藝人蔣雅文(Mandy)講花蓮。Mandy在當地與父母一起經營甜品店,除了一盡地主之誼帶領觀光之外,一代「文青女神」酒過三巡後,居然爆粗自爆入行原因及經歷,原來是要圓蔣爸爸年青時的心願。

Mandy一連兩集出現在《尋找》的節目,第一集一行人先到蔣家的甜品店「心地日常」拜會Mandy及蔣爸爸。而重點在第二集,Mandy下午帶阿澤去到「島東譯電所」——一間結合文創的酒吧參觀,店內有一款名為「真心話」的雞尾酒。兩杯到肚Mandy放下文青包袱,講到當初入行原因,她說︰「我係17歲入行,記得有一句說話老竇同我講過,話『阿爸以前想做歌手,希望你可以完成我夢想』,細細個我好有使命感『好,阿女幫你完成佢』。」入行之後才發覺不對路,自己好像不太適合這行。講到第一次見大老闆,對方的評語是「呢邊要整一整,嗰邊要執一執」。

女神酒後爆粗

Mandy又講到遇到的不公平待遇,亦顯示她固執的一面,她說︰「試過一嚟要我改名,因為另一新人同我『雅文』撞咗,我走去敲大佬度門,問佢『佢個名唔係真嘅,我嗰名係真嘅,點解改嗰個係我唔係佢』,我淨係想要返自己個名。」Mandy笑言在英皇年代聽得最多的評語是「呢條女唔識做人」、「未見過啲女咁蠢」,而每次影大合照,都被經理人鬧︰「我係唔識去搶嘢,連影大合照都等人埋晒位,自己企側邊。跟住一落台就俾人省,點解唔企C(中間位)位。」真心話到肚,Mandy越講越興奮,她表示現在已不介意別人怎樣睇自己︰「是但啦,最唔好就係同戇X(人)去討論,邊個贏邊個輸,係咁你就戇X。」晚上他們去到原住民一條街,品嚐當地美食。

Mandy告別出鏡

阿澤在節目中講到2012年在一架接載藝人的大巴上,他笑說︰「上車見到佢心諗『呢條女仲有得撈咩』,最引我注意係佢用嘅相機,同我用嗰款同一型號。見到佢有四個字『唔嗅米氣』飄出嚟,嗰時個樣係好唔開心嘅。」

今日阿澤接受《蘋果》訪問,他形容今次花蓮之旅見到Mandy身上多了份喜悅,他說︰「蔣雅文直情係女神,正如我喺節目入面講,佢象徵一種價值觀。藝人一路都好單一,係經濟同名氣上一定要成功。佢真正體驗到,人可以搵到自己喜歡嘅生活同理想係好好嘅,代表一種多元性,蔣雅文代表——人係有選擇。佢好夠義氣,我一叫佢拍,都冇講錢就即刻嚟,仲話其他人叫都唔拍,係幫我哋拍。佢都希望做埋呢次,以後都唔做,因為唔想成日上鏡。塞錢畀佢又唔肯要,詐詐諦諦塞畀佢老竇。」

現年38歲的Mandy,2007年跟所屬公司英皇請假半年,到台灣學習設計。之後一直在台灣生活,經營咖啡店及服飾店。2015年跟台男朱經雄結婚,去年留下老公在台北,獨個搬到花蓮,理由是父母身體出問題,所以要回去幫手。

---------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner