陳友打科興第二針後現身首映 台上做金雞獨立稱感覺良好

更新時間 (HKT): 2021.04.01 22:05

電影《等一個擁抱》今晚在九展舉行首映,戲中飾演3父女的李璧琦、龔柯允及陳友齊齊現身,黃光亮、張雷、文雪兒、韓馬利和老公杜燕歌等亦有專誠來捧場。陳友今次演的角色要拋妻棄女,他笑言身邊沒有人拋妻棄子,故拍攝時難以找朋友做參考,當李璧琦在台上講述自己單親遭遇及感人戲份時,陳友即說:「我6點先打完科興第二針,你唔好刺激我呀。」隨後即在台上金雞獨立影相,以示體力十足。

打疫苗為安心

陳友對於接種疫苗後沒有聽從建議多休息,反而在接種後趕到新戲首映禮,他受訪時說:「冇嘢,金雞獨立都頂得住。」又解釋本來想將打針日子改期,但因透過相熟朋友介紹醫生故不能爽約:「今日亦係首映重要日子,一定要嚟,我5點半打針,之後休息咗30分鐘6點鐘上車過嚟,感覺良好,做完嘢會返屋企休息吓。」而他亦多次強調身體狀況良好,兩次接種疫苗均沒有不適,並謂打針前後飲了大量水、食飽瞓夠,身體亦沒有想像中酸痛。對於坊間有長者或長期病患者接種疫苗後出現反應,陳友坦言不擔心:「唔驚,幾十萬人打完針,離世數字都冇上升。打針係為己為人,一定要接種,你話完全唔擔心咩?不過我個人好理性,恐慌就睇數字,數字最真實,證明唔係咁擔心,打完自己安心。」

陳友戲內晚年患上腦退化症,由於他的媽媽同樣因此病過身,令他演出時有更深感受:「我當時做錯咗樣嘢,我叫媽媽咩都唔好做,但原來佢會好悶,慢慢好多嘢就唔記得,患上呢個病症。」

李璧琦和龔柯允今晚齊齊拋胸現身,2人於戲中飾兩姊妹,雖然床上談心戲但最終被cut,她們指該鏡頭或會安排在不同版本播放,李璧琦說:「我同何基佑閨房談心按摩戲都cut咗,現時係版本最好。」適逢今日政府放寬戲院入座率高達75%,2人對此表示份外興奮,龔柯允說:「見《一秒拳王》票房破1千萬,希望我哋追到。」龔柯允亦承諾若電影可追貼1千萬票房會搞抱抱會,「逐個擁抱fans,大家放心,我會找數。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner